ചെന്നൈ: ആരോഗ്യ പ്രശ്​നങ്ങളെ മൂലം രാഷ്​ട്രീയത്തിലേക്ക്​ ഇല്ലെന്ന തമിഴ് സൂപ്പർ താരം രജിനികാന്തിന്റെ പ്രഖ്യാപനത്തിന്​ പിന്നാലെ, പ്രവർത്തകർക്ക്​ രാജിവച്ച്​ മറ്റു പാർട്ടികളിൽ ചേരാൻ സ്വാതന്ത്ര്യമുണ്ടെന്ന്​ രജിനി മക്കൾ മൺട്രം. ചില അംഗങ്ങൾ രാജി​വച്ച്​ ഡി.എം.കെയിൽ ചേർന്നതിന്​ പിന്നാലെയാണിത്. മറ്റു പാർട്ടികളിൽ ചേർന്നാലും തങ്ങൾ രജിനി ആരാധകരാണെന്ന കാര്യം മറക്കരുതെന്ന്​ സംഘടന പ്രവർത്തകരെ അറിയിച്ചു. ഇതോടെ രജിനി പ്രത്യക്ഷമായോ പരോക്ഷമായോ ബി.ജെ.പി​യെ പിന്തുണച്ചേക്കാമെന്ന വാദവും നിലച്ചതായാണ്​ വിലയിരുത്തൽ. സ്വന്തം പാർട്ടി പ്രഖ്യാപനം വേണ്ടെന്നുവച്ചതോടെ രജിനി തങ്ങളെ പിന്തുണക്കുമെന്നായിരുന്നു ബി.ജെ.പിയുടെ നിഗമനം.