narendra

ന്യൂഡൽഹി: പ്രശസ്ത ഭജൻ ഗായകൻ നരേന്ദ്ര ചഞ്ചൽ (80) അന്തരിച്ചു. വാർദ്ധക്യ സഹജമായ അസുഖങ്ങളെത്തുടർന്ന് ഡൽഹി അപ്പോളോ ആശുപത്രിയിൽ ചികിത്സയിലിരിക്കെയാണ് അന്ത്യം.

ഭക്തിഗാന ലോകത്ത് തന്റേതായ വ്യക്തിമുദ്ര പതിപ്പിച്ച ഗായകനായിരുന്നു ചഞ്ചൽ. ലോകമെമ്പാടുമുള്ള നിരവധി വേദികളിൽ അദ്ദേഹം കച്ചേരികളും അവതരിപ്പിച്ചിട്ടുണ്ട്. ഇതിന് പുറമേ ഹിന്ദി ചലച്ചിത്ര ഗാനങ്ങളും ആലപിച്ചിട്ടുണ്ട്. ബോബി എന്ന ചലച്ചിത്രത്തിലെ ബേശക് മന്ദിർ മസ്ജിദ് എന്ന ഗാനത്തിന് മികച്ച ഗായകനുള്ള ഫിലിം ഫെയർ അവാർഡ് നേടിയിരുന്നു. പ്രധാനമന്ത്രി നരേന്ദ്ര മോദി, ഗായകൻ ദലേർ മെഹന്ദി, സംഗീത സംവിധായകൻ വിശാൽ ദട്ലാനി, നടൻ മനോജ് വാജ്പേയ് തുടങ്ങിയവർ അനുശോചിച്ചു.