ലണ്ടൻ: കൊവിഡിന്റെ യു.കെ വകഭേദം മാരകമായേക്കാമെന്ന്​ ബ്രിട്ടീഷ്​ പ്രധാനമന്ത്രി ബോറിസ്​ ജോൺസൺ. പുതിയ വൈറസ്​ മരണനിരക്ക്​ ഉയർത്തിയേക്കാം. പഴയ വൈറസിനേക്കാൾ അതിവേഗം പടർന്നുപിടിക്കുകയാണിത്​. കണക്കുകൾ പ്രകാരം 30 ശതമാനം മുതൽ 70 ശതമാനം വരെ വേഗത്തിൽ പടരുന്നതിന്​ സാദ്ധ്യതയുണ്ടെന്നും അദ്ദേഹം പറഞ്ഞു. ഇംഗ്ലണ്ടിലാണ്​ വകഭേദം സംഭവിച്ച കൊവിഡിനെ ആദ്യം കണ്ടെത്തിയത്​. പിന്നീട്​ ഇന്ത്യ ഉൾ​പ്പെടെ 50ഓളം രാജ്യങ്ങളിൽ ഇത് റിപ്പോർട്ട് ചെയ്തു. പുതിയ വൈറസ്​ മരണനിരക്ക്​ ഉയർത്തുമെന്ന്​ ഇംഗ്ലണ്ട്​ ചീഫ്​ ​സയന്റിഫിക്​ അഡ്വൈസർ പാട്രിക്​ വെല്ലൻസ്​ പറഞ്ഞു. 60 ന് മുകളിൽ പ്രായമുള്ള ആയിരം പേരിൽ പഴയ കൊവിഡ്​ ബാധിക്കുകയാണെങ്കിൽ മരണസംഖ്യ പത്ത്​ ആയിരിക്കും. എന്നാൽ ജനിതക മാറ്റം സംഭവിച്ച വൈറസാണെങ്കിൽ 10 മുതൽ 14 വരെയാകും മര​ണമെന്ന്​ അദ്ദേഹം പറഞ്ഞു. മരണനിരക്ക്​ ഉയരാൻ ഇടയായാൽ രോഗവ്യാപനം കൂടുമെന്ന ആശങ്ക നിലനിൽക്കുന്നതായും അദ്ദേഹം കൂട്ടിച്ചേർത്തു.