ആസ്ട്രേലിയക്കെതിരായ ബോർഡർ ഗാവസ്‌കർ ട്രോഫി ടെസ്റ്റ് പരമ്പര നേടിയ ഇന്ത്യൻ ടീമിലെ പുതുമുഖതാരങ്ങൾക്ക് സമ്മാനം പ്രഖ്യാപിച്ച് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര.

ആസ്‌ട്രേലിയയിൽ നടന്ന ടെസ്റ്റിൽ അരങ്ങേറിയ ആറ് ഇന്ത്യൻ പുതുമുഖങ്ങൾക്കാണ് മഹീന്ദ്രയുടെ പുതിയ ഥാർ എസ്!യുവി വാഹനം സമ്മാനമായി ലഭിക്കുമെന്നാണ് ആനന്ദ് മഹീന്ദ്ര ഔദ്യോഗിക ട്വിറ്റർ അക്കൗണ്ട് വഴി പ്രഖ്യാപിച്ചത്. അസാധ്യമെന്ന് കരുതിയതിനെ കൈവെളളയിലാക്കാമെന്ന് കാണിച്ച വരും തലമുറയ്ക്ക് നൽകുന്ന സന്ദേശം ചെറുതല്ലെന്നും അദ്ദേഹം കുറിച്ചു. ഇത് തനിക്ക് വ്യക്തിപരമായും ഏറെ സന്തോഷം നൽകുന്നു, അതുകൊണ്ടു തന്നെ എല്ലാ അരങ്ങേറ്റക്കാർക്കും തന്റെ സ്വന്തം നിലയിൽ മഹീന്ദ്ര ഥാർ എസ്യുവി നൽകുന്നുവെന്നാണ് ആനന്ദ് മഹീന്ദ്ര കുറിച്ചു... ഈ വിജയത്തിൽ നിന്ന് കൂടുതൽ ഉയരങ്ങളിലെത്താനുളള ആർജവം താരങ്ങൾ നേടട്ടെയെന്നും അദ്ദേഹം പറഞ്ഞു.

മുഹമ്മദ് സിറാജ്, ഷാർദൂൽ ഠാക്കൂർ, ശുഭ്മാൻ ഗിൽ, ടി. നടരാജൻ, നവ്ദീപ് സെയ്നി, വാഷിങ്ടൻ സുന്ദർ എന്നിവർക്കാണു വാഹനങ്ങൾ ലഭിക്കുക. തുടർച്ചയായ രണ്ടാം ടെസ്റ്റ് പരമ്പര വിജയമാണ് ഇന്ത്യൻ ക്രിക്കറ്റ് ടീം ആസ്‌ട്രേലിയയിൽ സ്വന്തമാക്കിയത്. നേരത്തെ ഇന്ത്യൻ ടീമിന് ബി.സിസിഐ അഞ്ച് കോടി രൂപ സമ്മാനത്തുക പ്രഖ്യാപിച്ചിരുന്നു.

Theirs are true ‘Rise’ stories; overcoming daunting odds in the pursuit of excellence. They serve as an inspiration in all arenas of life. It gives me great personal pleasure to gift each of these debutants an All New THAR SUV on my own account—at no expense to the company. (2/3) pic.twitter.com/5aiHSbOAl1

— anand mahindra (@anandmahindra) January 23, 2021