രുചികരമായ കിഴങ്ങ് എന്നതിലുപരി വിവിധതരം പോഷകങ്ങളാൽ സമ്പന്നമാണ് കാരറ്റ്. ഇതിൽ പ്രധാനമായും അടങ്ങിയിട്ടുള്ള ബീറ്റാ കരോട്ടിൻ, ഫൈബർ, ആന്റിഓക്‌സിഡന്റുകൾ, കാൽസ്യം, അവശ്യ വിറ്റാമിനുകൾ, മാംഗനീസ്, പൊട്ടാസ്യം, തുടങ്ങിയ ധാതുക്കൾ ശരീരഭാരം കുറയ്ക്കൽ, ദഹനം, കണ്ണിന്റെ ആരോഗ്യം, ചർമ്മ സംരക്ഷണം എന്നിവയിൽ പ്രധാന പങ്ക് വഹിക്കുന്നു.

കാരറ്റിലുള്ള ബീറ്റാ കരോട്ടിൻ കാരറ്റിന് ഓറഞ്ച് നിറം നൽകുന്നതിനുപുറമെ, മനുഷ്യ ശരീരത്തിലെത്തുമ്പോൾ വിറ്റാമിൻ എ ആയി മാറുന്നു. ഇത് രക്തത്തിലെ മോശം കൊളസ്ട്രോളിന്റെ അളവ് കുറച്ചും ഹൃദയ ധമനികളിലെ തടസം നീക്കി രക്തയോട്ടം വർദ്ധിപ്പിച്ചും ഹൃദയാരോഗ്യം സംരക്ഷിക്കുന്നു. ദിവസവും രാവിലെ ഒരു ഗ്ലാസ് കാരറ്റ് ജ്യൂസ് കുടിക്കുന്നത് പ്രമേഹത്തെ നിയന്ത്രിച്ച് നിറുത്താനും അർബുദകോശങ്ങളുടെ വളർച്ച തടയാനും അത്യുത്തമമാണ്. മാത്രമല്ല,​ ദിവസം മുഴുവൻ ഉന്മേഷം പ്രദാനം ചെയ്യാനും കഴിവുണ്ട് ഇതിന്.