ബെർലിൻ: നല്ല സുന്ദരക്കുട്ടനാണ് പോയ്സൺ ഡാർട്ട് തവള. എന്നാൽ, പേര് പോലെ തന്നെ ആളെ ഇത്തിരി ഭയപ്പെടേണ്ടതുണ്ട്. ലോകത്തിൽ ഏറ്റവും കൂടുതൽ വിഷമുള്ളതും ഏറ്റവും വിലയുള്ളതുമായ തവളയാണിത്. ഒറ്റയടിയ്ക്ക് പത്ത് പേരെ വരെ ഈ തവളയ്ക്ക് കൊല്ലാൻ സാധിക്കുമെന്നാണ് റിപ്പോർട്ടുകൾ. ഇക്കാരണത്താലാണ് ഇവയ്ക്ക് ഡിമാൻഡ് കൂടിയതും. ഈ തവളയ്ക്ക് അന്താരാഷ്ട്ര വിപണിയിൽ ഏകദേശം 1.50 ലക്ഷം രൂപയാണ് വില. അതേസമയം, കൊളംബിയയിൽ വംശനാശഭീഷണി നേരിടുന്ന 200 ജീവികളിൽ പോയ്സൺ ഡാർട്ട് തവളയുമുണ്ടെന്ന് ജർമ്മനിയിലെ ഹംബോൾട്ട് ഇൻസ്റ്റിറ്റ്യൂട്ടിലെ ഗവേഷകർ പറയുന്നു.

 കറുപ്പ്, മഞ്ഞ, ഓറഞ്ച്, തിളക്കമുള്ള പച്ച, നീല എന്നിങ്ങനെയുള്ള നിറങ്ങളിലാകും പ്രധാനമായും ഇവയെ കാണാനാകുക.

 ആറ് സെന്റീമീറ്റർ വലിപ്പം

30 കിലോഗ്രാം ഭാരം

 ബ്രസീൽ, ഇക്വഡോർ, വെനസ്വേല, ബൊളീവിയ, കോസ്റ്ററിക്ക, പനാമ, ഗയാന, ഹവായ് എന്നിവിടങ്ങളിലെ വനങ്ങളിൽ കാണപ്പെടുന്നു.

 ഇലകൾ, വേരുകൾ, നനഞ്ഞ പ്രതലങ്ങളിൽ എന്നിവിടങ്ങളിൽ പെൺതവളകൾ ഇടുന്ന മുട്ടയുടെ സംരക്ഷണം ആൺതവളകൾക്കാണ്.