ശങ്കർരാമകൃഷ്ണൻരചനയും സംവിധാനവും നിർവഹിച്ച പതിനെട്ടാംപടി തെലുങ്കിലേക്ക് മൊഴിമാറ്റം ചെയ്യുന്നു. ഗ്യാങ്സ് ഒാഫ് 18 എന്നാണ് ചിത്രത്തിന്റെ പേര്. ജോൺ എബ്രഹാം പാലക്കൽ എന്ന അതിഥി വേഷമായിരുന്നു ചിത്രത്തിൽ മമ്മൂട്ടിക്ക്. ആര്യ,​ ഉണ്ണിമുകുന്ദൻ,​ പ്രിയമണി എന്നിവരും അതിഥി വേഷക്കാരായി.സുരാജ് വെഞ്ഞാറമൂട്,​ അഹാന കൃഷ്ണ,​ സാനിയ അയ്യപ്പൻ,​ ബിജു സോപാനം,​ മനോജ് കെ.ജയൻ,​ ലാലു അലക്സ് എന്നിവരാണ് പ്രധാന താരങ്ങൾ. നിരവധി പുതുമുഖങ്ങളും അണിനിരന്നു.സുദീപ് ഇളമൺ ഛായാഗ്രഹണം നിർവഹിച്ചു.ആഗസ്റ്റ് സിനിമയുടെ ബാനറിൽ ഷാജി നടേശനാണ് പതിനെട്ടാം പടി നിർമിച്ചത്.