വാഷിംഗ്ടൺ: ലോകത്ത് കൊവിഡ് രോഗികളുടെ എണ്ണം പത്ത് കോടി കടന്നു. വേൾഡ് ഒ മീറ്ററിന്റെ കണക്ക് പ്രകാരം നിലവിൽ ലോകത്ത് 100,922,270 കൊവിഡ് രോഗികളുണ്ട്. അമേരിക്കയിലാണ് കൊവിഡ് വ്യാപനവും മരണവും ഏറ്റവും കൂടുതൽ. രാജ്യത്ത്,​ 26,011,222 രോഗികളുണ്ട്.  ഇതുവരെ 435,452 പേർ മരിച്ചു. അതേസമയം, കൊവിഡ് വ്യാപനത്തിൽ ലോകത്ത് രണ്ടാം സ്ഥാനത്തുള്ള ഇന്ത്യയിൽ പുതിയ കേസുകൾ കുറയുന്നുണ്ടെന്നാണ് റിപ്പോർട്ടുകൾ. ഇന്ത്യയിൽ ആകെ 10,690,279 രോഗികളുണ്ട്. ആകെ മരണം - 153,751. ബ്രസീൽ, റഷ്യ, ബ്രിട്ടൻ, ഫ്രാൻസ്​, സ്​പെയിൻ, ഇറ്റലി, തുർക്കി, ജർമനി തുടങ്ങിയ രാജ്യങ്ങളിലും കൊവിഡ് വ്യാപനം അതിരൂക്ഷമാണ്.

അതേസമയം,​ ബ്രിട്ടനിലും ദക്ഷിണാഫ്രിക്കയിലുമടക്കം ജനിതക മാറ്റം സംഭവിച്ച കൊവിഡ് പടർന്നുപിടിക്കുന്നതിന്റെ ആശങ്കയും ലോകരാജ്യങ്ങൾക്കുണ്ട്.

ജനിതക മാറ്റം വന്ന കൊവിഡ്​ ഇന്ത്യയുൾപ്പെടെ 50ൽ അധികം ​രാജ്യങ്ങളിൽ സ്ഥിരീകരിച്ചിട്ടുണ്ട്. യഥാർത്ഥ കൊറോണ വൊറസിനേക്കാൾ 30 ശതമാനം മരണസാദ്ധ്യത കൂടുതലാണ്​ പുതിയ വൈറസിന്​. കൂടാതെ 70 ശതമാനത്തിലധികം അതിതീവ്ര വ്യാപന ശേഷിയുണ്ടെന്നതും ആശങ്ക വർദ്ധിപ്പിക്കുന്നു. പുതിയ വൈറസിന്റെ വ്യാപനം ശക്തമായതോടെ ബ്രിട്ടനിൽ ബോറിസ് ജോൺസൻ ആറ് മാസത്തേയ്ക്ക് കൂടി ലോക്ക്ഡൗൺ നീട്ടിയിരുന്നു.

 ലോകത്താകെ രോഗികൾ - 100,922,270

 മരണം - 2,169,466

 രോഗവിമുക്തർ - 72,963,781