ലണ്ടൻ: പ്രശസ്ത ബ്രിട്ടീഷ് എഴുത്തുകാരിയായ മൊണിക് റൊഫേയുടെ ദ മെർമേഡ് ഒഫ് ദ ബ്ലാക് കൊൻച്: എ ലവ് സ്‌റ്റോറി'യ്ക്ക് 2020ലെ കോസ്റ്റ ബുക്ക് ഒഫ് ദ ഇയർ പുരസ്കാരം. 56കാരിയായ മൊണിക്കിന്റെ ആറാമത്തെ കൃതിയാണിത്. ഓർമ്മക്കുറിപ്പുകളിലൂടെ ഏറെ പ്രശസ്തയായ എഴുത്തുകാരിയാണവർ.

ബ്രിട്ടനിലും അയർലൻഡിലും താമസിക്കുന്ന എഴുത്തുകാരെയാണ് കോസ്റ്റ ബുക് ഓഫ് ദ ഇയറിന് പരിഗണിക്കുന്നത്. പ്രഥമ നോവൽ, നോവൽ, ജീവചരിത്രം, കവിത, ബാലസാഹിത്യം എന്നീ അഞ്ച് സാഹിത്യമേഖലകളിലെ മികച്ച കൃതികൾക്കാണ് പുരസ്കാരം നൽകുന്നത്.

 കഥാസാരം

മത്സ്യബന്ധന തൊഴിലാളിയായ ഡേവിഡിന്റെയും അയ്കായിയ എന്ന പെൺകുട്ടിയുടെയും പ്രണയമാണ് കരീബിയൻ ജീവിതം പശ്ചാത്തലമായി വരുന്ന നോവലിൽ പറയുന്നത്. ഡേവിഡിന്റെ അസൂയാലുക്കളായ മറ്റു ഭാര്യമാരുടെ ശാപത്താൽ മത്സ്യകന്യകയായി മാറിയ അയ്കായിയുടെ പ്രണയം നോവലിൽ അതിമനോഹരമായി അവതരിപ്പിച്ചിട്ടുണ്ട്. ഏതുപ്രായക്കാർക്കും ഇഷ്ടപ്പെടുന്ന രീതിയിലാണ് മൊണിക് ഈ നോവൽ രചിച്ചിരിക്കുന്നത്.