ന്യൂയോർക്ക്: പ്ലാസ്റ്റിക് സർജറി വിവാദത്തിൽ കുടുങ്ങി പ്രശസ്ത ഹോളിവുഡ് താരം ഡെമി മൂ‌ർ. ബുധനാഴ്ച നടന്ന പാരീസ് ഫാഷൻ വീക്ക് വേദിയിൽ പങ്കെടുത്ത അമ്പത്തിയെട്ടുകാരിയായ ഡെമിയുടെ ചിത്രങ്ങളാണ് വിവാദത്തിന് കാരണമായത്. കറുപ്പു നിറത്തിലുള്ള സിൽക്കിന്റെ ഓഫ്ഷോൾഡർ വസ്ത്രമാണ് ഡെമി ധരിച്ചിരുന്നത്. താരത്തെ തിരിച്ചറിയാൻ ആകുന്നില്ലെന്നും മുഖത്ത് നല്ല വ്യത്യാസമുണ്ടെന്നുമാണ് പലരും പറയുന്നത്. ഡെമി മൂറിന്റെ മുൻകാല ചിത്രങ്ങളും ഇപ്പോഴത്തേതും ചേർത്തുവച്ചാണ് പലരും വ്യത്യാസങ്ങൾ ചൂണ്ടിക്കാട്ടുന്നത്. മുൻപും ഡെമി പ്ലാസ്റ്റിക് സർജറി നടത്തിയെന്ന വാദങ്ങൾ ഉയർന്നിരുന്നു. എന്നാൽ അതെല്ലാം ഡെമി നിഷേധിച്ചു. താൻ എങ്ങനെയിരിക്കുന്നോ അതിൽ സന്തുഷ്ടയും സംതൃപ്തയുമാണെന്നും ഡെമി പറഞ്ഞിരുന്നു.