കാസർകോട്: മുഖ്യമന്ത്രിയുടെ ഓഫീസ് കൊള്ളസംഘത്തിന്റെ കോട്ട പോലെ ആയെന്ന് പ്രതിപക്ഷ നേതാവ് രമേശ് ചെന്നിത്തല ആരോപിച്ചു.. യു.ഡി.എഫിന്റെ ഐശ്വര്യ കേരള യാത്രയുടെ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം.. കേരളം ഭരിക്കുന്നത് അധോലോക സർക്കാരാണ്.. .പിണറായി വിജയന് രണ്ടാമൂഴം നൽകാൻ കേരള സമൂഹം തയ്യാറാകരുതെന്ന് ചെന്നിത്തല ആവശ്യപ്പെട്ടു. പാർട്ടി പോലും അറിയാതെ സ്പ്രിംക്ലർ എങ്ങനെയെന്നും പിണറായി സർക്കാർ വികസന വീമ്പ് പറയുകയാണെന്നും ചെന്നിത്തല കുറ്റപ്പെടുത്തി.

മുസ്ലീങ്ങളെയും ക്രിസ്ത്യാനികളെയും എൽ..ഡി.എഫ് തമ്മിലടിപ്പിക്കുകയാണന്ന് ചെന്നിത്തല പറഞ്ഞു. വിജയരാഘവന് എന്തിനാണിത്ര മുസ്ലീം വിരോധമെന്ന് മനസിലാകുന്നില്ലെന്നും ഇടതുപക്ഷം കേരളത്തിൽ മതങ്ങളെ തമ്മിലടിപ്പിക്കാൻ ശ്രമിക്കുകയാണെന്നും അദ്ദേഹം ആരോപിച്ചു. മൂക്കാതെ പഴുത്താൽ ഇതാകും അനുഭവമെന്നായിരുന്നു വിജയരാഘവനുള്ള ചെന്നിത്തലയുടെ പരിഹാസം.

മതേതരത്വം നിലനിർത്താനാണ് പോരാട്ടമെന്ന് പറഞ്ഞ ചെന്നിത്തല മുഖ്യമന്ത്രി തീക്കൊള്ളിക്കൊണ്ട് തലചൊറിയുകയാണെന്നും മുന്നറിയിപ്പ് നൽകി.