പത്തനംതിട്ട : ജില്ലയിൽ ഇന്നലെ 452 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ ഏഴു പേർ വിദേശത്ത് നിന്ന് വന്നവരും 10 പേർ മറ്റ് സംസ്ഥാനങ്ങളിൽ നിന്ന് വന്നവരും 435 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 36 പേരുണ്ട്.

ജില്ലയിൽ ഇതുവരെ 31,371 പേർക്ക് രോഗം ബാധിച്ചു. ഇതിൽ 26,678 പേർ സമ്പർക്കം മൂലം രോഗികളായവരാണ്. ജില്ലയിൽ ഇന്നലെ 181 പേർ രോഗമുക്തരായി. ആകെ രോഗമുക്തരായവരുടെ എണ്ണം 25,264 ആണ്. ജില്ലക്കാരായ 5914 പേർ ചികിത്സയിലാണ്. ഇതിൽ 5625 പേർ ജില്ലയിലും, 289 പേർ ജില്ലയ്ക്ക് പുറത്തും ചികിത്സയിലാണ്.

6 മരണംകൂടി

ഇന്നലെ ജില്ലയിൽ കൊവിഡ് ബാധിതരായ ആറു പേരുടെ മരണം റിപ്പോർട്ട് ചെയ്തു.

1) 30ന് രോഗബാധ സ്ഥിരീകരിച്ച വടശേരിക്കര സ്വദേശി (81) കോഴഞ്ചേരി ജില്ല ആശുപത്രിയിൽ വച്ച് ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു. 2) ഡിസംബർ എട്ടിന് രോഗബാധ സ്ഥിരീകരിച്ച ഏറത്ത് സ്വദേശി (65) എറണാകുളത്തെ സ്വകാര്യ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞു.

3) മല്ലപ്പുഴശേരി സ്വദേശിനി (68) കോഴഞ്ചേരി ജില്ല ആശുപത്രിയിൽ മരണമടഞ്ഞു. തുടർന്ന് നടത്തിയ പ്രാഥമിക സ്രവ പരിശോധനയിൽ രോഗബാധ സ്ഥിരീകരിച്ചു.

4) ഡിസംബർ 23ന് രോഗബാധ സ്ഥിരീകരിച്ച പുറമറ്റം സ്വദേശി (80) കോട്ടയം മെഡിക്കൽ കോളജ് ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.

5) ഡിസംബർ 27ന് രോഗബാധ സ്ഥിരീകരിച്ച തിരുവല്ല സ്വദേശിനി (30) കോട്ടയം മെഡിക്കൽ കോളജ് ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.

6) 31ന് രോഗബാധ സ്ഥിരീകരിച്ച കടപ്ര സ്വദേശി (58) ജനുവരി ഒന്നിന് കോട്ടയം മെഡിക്കൽ കോളജ് ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.