തിരുവല്ല: ജീവനക്കാർക്ക് കൊവിഡ് സ്ഥിരീകരിച്ചതിനെ തുടർന്ന് ബിവറേജസ് കോർപ്പറേഷന്റെ പുളിക്കീഴിലെ ചില്ലറ മദ്യവിൽപ്പന ശാല അടച്ചു. പുളിക്കീഴ് പമ്പ ഷുഗർ ഫാക്ടറി വളപ്പിലെ മദ്യവിൽപ്പനശാലയാണ് ഇന്നലെ രാവിലെ 11 മണിയോടെ അടച്ചത്. അഞ്ച് ജീവനക്കാർക്ക് കൊവിഡ് സ്ഥിരീകരിച്ചതിനെ തുടർന്നാണ് വിൽപ്പനശാല അടച്ചു. രോഗം സ്ഥിരീകരിച്ചവരുടെ പ്രാഥമിക സമ്പർക്കപ്പട്ടികയിൽ ഉൾപ്പെട്ട ജീവനക്കാരെയും അടുത്ത ബന്ധുക്കളെയും നിരീക്ഷണത്തിലാക്കിയതായി ഹെൽത്ത് സൂപ്പർവൈസർ പറഞ്ഞു. അണുവിമുക്തമാക്കിയ ശേഷം വിൽപ്പനശാല ചൊവ്വാഴ്ച മുതൽ തുറക്കുമെന്ന് ബിവറേജസ് കോർപ്പറേഷൻ അധികൃതർ അറിയിച്ചു.