പത്തനംതിട്ട : ജില്ലയിൽ ഇന്നലെ 110 പേർക്ക് കൊവിഡ് സ്ഥിരീകരിച്ചു

328 പേർ രോഗമുക്തരായി. രോഗം സ്ഥിരീകരിച്ചവരിൽ 110 പേരും സമ്പർക്കത്തിലൂടെ രോഗം ബാധിച്ചവരാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 19 പേരുണ്ട്.

ജില്ലയിൽ ഇതുവരെ ആകെ 31866 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 27160 പേർ സമ്പർക്കം മൂലം രോഗം ബാധിച്ചവരാണ്.

ഇന്നലെ ജില്ലയിൽ കൊവിഡ് ബാധിതനായ ഒരാളുടെ മരണം റിപ്പോർട്ട് ചെയ്തു.
30ന് രോഗബാധ സ്ഥിരീകരിച്ച പന്തളം സ്വദേശി (52) ആണ് കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണ്ണതകൾ നിമിത്തം മരിച്ചത്.

ആകെ രോഗമുക്തരായവരുടെ എണ്ണം 25992 ആണ്. പത്തനംതിട്ട ജില്ലക്കാരായ 5672 പേർ ചികിത്സയിലാണ്.