പത്തനംതിട്ട : ജില്ലയിൽ ഇന്നലെ 514 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ ഏഴു പേർ വിദേശത്ത് നിന്ന് വന്നവരും 12 പേർ മറ്റ് സംസ്ഥാനങ്ങളിൽ നിന്ന് വന്നവരും 495 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 25 പേരുണ്ട്.

ജില്ലയിൽ ഇതുവരെ ആകെ 33,708 പേർക്ക് രോഗം ബാധിച്ചു. ഇതിൽ 28,931 പേർ സമ്പർക്കം മൂലം രോഗികളായവരാണ്.

ഇന്നലെ കൊവിഡ് ബാധിതനായ ഒരാളുടെ മരണം റിപ്പോർട്ട് ചെയ്തു.
ഏഴംകുളം സ്വദേശി (74) ആണ് ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചത്.
ഇന്നലെ 725 പേർ രോഗമുക്തരായി. ആകെ രോഗമുക്തരായവരുടെ എണ്ണം 27461 ആണ്.