പത്തനംതിട്ട. ക്രിസ്തുവിലൂടെ വെളിപ്പെട്ട സ്‌നേഹം ലോകത്തിന് നൽകാൻ വിശ്വാസസമൂഹത്തിന് കഴിയണമെന്ന് ഡോ. തിയഡോഷ്യസ് മാർത്തോമാ മെത്രാപ്പൊലീത്ത പറഞ്ഞു. മാർത്തോമാ സഭ റാന്നി നിലയ്ക്കൽ ഭദ്രാസന കൺവെൻഷൻ പത്തനംതിട്ട മാർത്തോമാ പള്ളിയിൽ ഉദ്ഘാടനം ചെയ്യുകയായിരുന്നുഅദ്ദേഹം. സമകാലിക സംഭവങ്ങളുമായി ചേർത്ത് വച്ചു ദൈവവചനം പഠിക്കണം. ഇതു ജീവിതത്തിൽ രൂപാന്തരം ഉണ്ടാക്കണം. പാപത്തെക്കുറിച്ച് ബോധം വരണം. പ്രവർത്തന മേഖലകളിൽ ദൈവ സ്‌നേഹം വെളിപ്പെ ടുത്തുന്നവരായി മാറണമെന്ന് അദ്ദേഹം പറഞ്ഞു. ഭദ്രാസന അദ്ധ്യക്ഷൻ തോമസ് മാർ തി മോഥെയോസ് അദ്ധ്യക്ഷനായിരുന്നു. നന്മ വറ്റിപ്പോകുന്ന കാലത്തു വെളിച്ചത്തിന്റെ മക്കളായി മാറണമെന്ന് അദ്ദേഹം പറഞ്ഞു.റവ. മാത്യു സഖറിയ മുഖ്യപ്രഭാഷണം നടത്തി. വികാരി ജനറാൾ വെരി. റവ. കെ. ഒ. പീലിപ്പോസ്, ഭദ്രാസന സെക്രെട്ടറി റവ. പി എ. എബ്രഹാം, ട്രഷറർ സജി മുക്കറണത്ത് , ഇടവക വികാരി റവ. കെ. വി. സൈമൺ എന്നിവർ സംസാരിച്ചു.