കോന്നി: താലൂക്ക് ആശുപത്രിയിൽ സെൻട്രലൈസ്ഡ് ഓക്‌സിജൻ പ്ലാന്റ് പ്രവർത്തനം ആരംഭിച്ചു.
ആശുപത്രിയിൽ നടപ്പിലാക്കുന്ന 10 കോടിയുടെ സമഗ്ര വികസന പദ്ധതിയുടെ ഭാഗമാണിത്. 12 കിടക്കകളിൽ ഓക്‌സിജൻ പ്ലാന്റിൽ നിന്ന് പൈപ്പ് ലൈൻ വഴി നേരിട്ട് ഇനി മുതൽ ഓക്‌സിജൻ ലഭ്യമാകും.ഐ.സി.യുവിലേക്കുള്ള ഓക്‌സിജനും പ്ലാന്റിൽ നിന്ന് എത്തിക്കും. പ്ലാന്റിന്റെ ആവശ്യത്തിനായി 15 വലിയ ഓക്‌സിജൻ സിലിണ്ടറാണ് ലഭ്യമാക്കിയിട്ടുള്ളത്. 20 സിലിണ്ടറും വാങ്ങിനൽകിയിട്ടുണ്ട്.

5.5 കോടിയുടെ കെട്ടിട നിർമ്മാണം ആരംഭിച്ചിട്ടുണ്ട്. രണ്ട് കോടിയുടെ ഇലക്ട്രക്കൽ വർക്കിനുള്ള ടെൻഡർ നടപടി നടന്നുവരുന്നു.
മൂന്നു കോടിയുടെ എൻ.എച്ച്.എം ഫണ്ടും താലൂക്ക് ആശുപത്രിക്ക് ലഭ്യമായിട്ടുള്ളതായി കെ.യു ജനീഷ് കുമാർ എം.എൽ.എ പറഞ്ഞു. ലേബർ റൂം, ഓപ്പറേഷൻ തീയേ​റ്റർ, ന്യൂബോൺ ഐ.സി.യു, ബ്ലഡ് സ്​റ്റോറേജ് യൂണി​റ്റ് തുടങ്ങിയവയും സ്ഥാപിക്കും.
ഒാക്സിജൻ പ്ളാന്റിന്റെ ഉദ്ഘാടനം എം.എൽ.എ നിർവഹിച്ചു. ബ്ലോക്ക് പഞ്ചായത്ത് ക്ഷേമകാര്യ സ്​റ്റാൻഡിംഗ് കമ്മ​റ്റി ചെയർമാൻ വർഗീസ് ബേബി അദ്ധ്യക്ഷത വഹിച്ചു. ബ്ലോക്ക് പഞ്ചായത്തംഗം തുളസീമണിയമ്മ, താലൂക്ക് ആശുപത്രി സൂപ്രണ്ട് ഗ്രേസ് മറിയം ജോർജ്ജ്, ആർ.എം.ഒ ഇൻ ചാർജ്ജ് അജയ് ഏബ്രഹാം തുടങ്ങിയവർ പ്രസംഗിച്ചു.

---------

ആശുപത്രിയിൽ നടപ്പാക്കുന്നത് 10 കോടിയുടെ പദ്ധതി.