പത്തനംതിട്ട : ജില്ലയിൽ ഇന്നലെ 452 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ അഞ്ചു പേർ വിദേശത്ത് നിന്ന് വന്നവരും, ഒൻപതു പേർ മറ്റുസംസ്ഥാനങ്ങളിൽ നിന്നും വന്നവരും 438 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 29 പേരുണ്ട്.

ജില്ലയിൽ ഇതുവരെ ആകെ 43,031 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 37954 പേർ സമ്പർക്കം മൂലം രോഗം ബാധിച്ചവരാണ്.

ജില്ലയിൽ ഇന്നലെ 417 പേർ രോഗമുക്തരായി. ആകെ രോഗമുക്തരായവരുടെ എണ്ണം 37521ആണ്.

നാലു മരണംകൂടി

ഇന്നലെ ജില്ലയിൽ കൊവിഡ് ബാധിതരായ നാലു പേരുടെ മരണം റിപ്പോർട്ട് ചെയ്തു.

1) 27ന് രോഗബാധ സ്ഥിരീകരിച്ച കോഴഞ്ചേരി സ്വദേശി (36) കോട്ടയം മെഡിക്കൽ കോളേജ് ആശുപത്രിയിൽ മരിച്ചു.
2) 12 ന് രോഗബാധ സ്ഥിരീകരിച്ച അടൂർ സ്വദേശി (51) കോട്ടയം മെഡിക്കൽ കോളജ് മെഡിക്കൽ കോളേജ് ആശുപത്രിയിൽ മരിച്ചു.

3) 22ന് രോഗബാധ സ്ഥിരീകരിച്ച മെഴുവേലി സ്വദേശി (87) കോഴഞ്ചേരി ജില്ലാ ആശുപത്രിയിൽ മരിച്ചു.

4) ചെന്നീർക്കര സ്വദേശി പത്തനംതിട്ടയിലെ സ്വകാര്യ ആശുപത്രിയിൽ മരിച്ചു.