ചെങ്ങന്നൂർ: ശ്രീനാരായണ ഗുരു 1926 ൽ ലോകത്തിന് നൽകിയ മഹിത സന്ദേശത്തിന്റെ 95-ാം വാർഷികാഘോഷത്തിന് തുടക്കം. ഇന്നലെ രാവിലെ 10 ന് മാന്നാർ യൂണിയനിലെ ചെറുകോൽ കിഴക്ക് 6323-ാം ഗുരുസ്തവം ശതാബ്ദി സ്മാരക ശാഖാ യോഗത്തിൽ നടന്ന യൂണിയൻ തല ഉദ്ഘാടനം ചെയർമാൻ ഡോ.എം.പി വിജയകുമാർ നിർവഹിച്ചു. യൂണിയൻ കൺവീനർ ജയലാൽ എസ്.പടീത്തറ അദ്ധ്യക്ഷത വഹിച്ചു. യൂണിയൻ അഡ്മിനിസ്ട്രേറ്റീവ് കമ്മിറ്റി അംഗങ്ങളായ ദയകുമാർ ചെന്നിത്തല, നുന്നു പ്രകാശ് പോഷക സംഘടനകൾ ഭാരവാഹികളായ ശശി കലരഘുനാഥ്, സുജാത നുന്നു പ്രകാശ്, പുഷ്പാ ശശികുമാർ ,ബിജു വയൽവാരം, അരുൺ കുമാർ ശാഖായോഗം ഭാരവാഹികളായ ഭാസി മദിച്ചവീട്, സുരേഷ് ചിത്രമാലിക, ചന്ദ്രിക റെജി എന്നിവർ സംസാരിച്ചു. ശാഖാ സെക്രട്ടറി സുരേന്ദ്രൻ സ്വാഗതവും വൈസ് പ്രസിഡന്റ് ആനന്ദൻ നന്ദിയും പറഞ്ഞു.