കോന്നി : കേരള പ്രദേശ് കോൺഗ്റസ് കമ്മിറ്റിയുടെ 100 മത് ജന്മവാർഷികത്തോടനുബന്ധിച്ച് സംസ്ഥാന വ്യാപകമായി നടത്തി വരുന്ന ആഘോഷ പരിപാടികളുടെ ഭാഗമായി കോന്നി കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ ഗാന്ധി സ്മൃതി യാത്രനടത്തി. കെ.പി.സി.സി അംഗം മാത്യു കുളത്തിങ്കൽ ജാഥാ ക്യാപ്റ്റൻ മണ്ഡലം കോൺഗ്രസ് കിമ്മി​റ്റി പ്രസിഡന്റ റോജി ഏബ്രഹാമിന് പതാക കൈമാറി ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് എസ്.സന്തോഷ് കുമാർ, ഡി.സി.സി ജനറൽ സെക്രട്ടറി ചി​റ്റൂർ ശങ്കർ, കോന്നി പഞ്ചായത്ത് പ്രസിഡന്റ് സുലേഖ വി.നായർ, പ്രവീൺ ജി.നായർ,ഐവാൻ വകയാർ, പ്രീയ.എസ്.തമ്പി, മോഹനൻ മുല്ലപ്പറമ്പിൽ, ജിജി സജി ,ജിജോ കുളത്തിങ്കൽ എന്നിവർ പ്രസംഗിച്ചു.കോന്നി ബസ് സ്​റ്റാൻഡിൽ ഗാന്ധി പ്രതിമയിൽ ഹാരം അണിയിച്ച് പുഷ്പ്പാർച്ചനയോടെ സമാപന സമ്മേളനം നടത്തി. ഡി.സി.സി വൈസ് പ്രസിഡന്റ് റോബിൻ പീ​റ്റർ സമാപന സമ്മേളനം ഉദ്ഘാടനം ചെയ്തു. യൂത്ത് കോൺഗ്റസ്സ് മണ്ഡലം പ്രസിഡന്റ് ഫൈസൽ കോന്നി, കോന്നി ബ്ലോക്ക് പഞ്ചായത്ത് അംഗം പ്രവീൺ പ്ലാവിളയിൽ, പി.വി ജോസഫ്, ഷിനു അറപ്പുരയിൽ, രതീഷ് കണിയാംപറ സിൽ, അജയകുമാർ എന്നിവർ പ്രസംഗിച്ചു.