കൊല്ലം: ജമ്മുവിൽ ഹൃദയാഘാതത്തെ തുടർന്ന് കുഴഞ്ഞുവീണ മലയാളി ജവാൻ മരിച്ചു. കൊട്ടാരക്കര വെട്ടിക്കവല വില്ലൂർ ബിന്ദുഭവനിൽ എസ്. മുരളീധരൻ പിള്ളയുടെ മകൻ എം. അനീഷ് കുമാറാണ് (35) മരിച്ചത്. ബി.എസ്.എഫിൽ എച്ച്.സി-ജി.ഡി തസ്തികയിൽ ജോലി ചെയ്തുവരികയായിരുന്നു. വെള്ളിയാഴ്ച വൈകിട്ട് ഹൃദയാഘാതത്തെ തുടർന്ന് കുഴഞ്ഞുവീണ അനീഷിനെ മിലിട്ടറി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മാതാവ്: വിജയമ്മ. ഭാര്യ: ജയശ്രീ. മക്കൾ: അദിത്, അദിക. കഴിഞ്ഞ മേയിലാണ് നാട്ടിലെത്തി മടങ്ങിയത്. മൃതദേഹം ഇന്ന് നാട്ടിലെത്തിക്കുമെന്ന് അറിയിപ്പ് ലഭിച്ചെങ്കിലും സാങ്കേതിക തടസങ്ങം ഉണ്ടായിട്ടുണ്ടെന്നാണ് ലഭ്യമായ വിവരം.