പ​ത്ത​നാ​പു​രം: നാ​ട​ക ​- ച​ല​ച്ചി​ത്ര ന​ടി​യും ഗാ​യി​ക​യും ഡ​ബ്ബിം​ഗ് ആർ​ട്ടി​സ്റ്റു​മാ​യി​രു​ന്ന പാ​ലാ ത​ങ്ക​ത്തി​ന്റെ (84) സം​സ്​കാ​രം തി​രു​വ​ന​ന്ത​പു​രം ശാ​ന്തി​ക​വാ​ട​ത്തിൽ ന​ട​ന്നു. ഗാ​ന്ധി​ഭ​വൻ മോർ​ച്ച​റി​യിൽ സൂ​ക്ഷി​ച്ചി​രു​ന്ന മൃ​ത​ശ​രീ​രം ഇ​ന്ന​ലെ രാ​വി​ലെ 11 ഓ​ടെ ഗാ​ന്ധി​ഭ​വ​നിൽ പൊ​തു​ദർ​ശ​ന​ത്തി​ന് വ​ച്ചു.

സി​നി​മാ താ​ര​വും ഗാ​ന്ധി​ഭ​വൻ അ​ന്തേ​വാ​സി​യു​മാ​യ ടി.പി മാ​ധ​വ​ൻ റീ​ത്ത് സ​മർ​പ്പി​ച്ചു. തു​ടർ​ന്ന് ഉ​ച്ച​യ്​ക്ക് 12 ഓ​ടെ തി​രു​വ​ന​ന്ത​പു​രം ശാ​ന്തി​ക​വാ​ട​ത്തി​ലേ​ക്ക് കൊ​ണ്ടു​പോയി.

ഇവിടെവച്ച് കേ​ര​ള സം​സ്ഥാ​ന ച​ല​ച്ചി​ത്ര അ​ക്കാ​ഡ​മി​ക്ക് വേ​ണ്ടി സെ​ക്ര​ട്ട​റി സി. അ​ജോ​യി, ഫെ​ഫ്​ക​യ്​ക്ക് വേ​ണ്ടി ഷോബി തി​ല​കൻ എ​ന്നി​വർ റീ​ത്ത് സ​മർ​പ്പി​ച്ചു. വൈകിട്ട് നടന്ന സം​സ്​കാ​രത്തിൽ ഡ​ബ്ബിം​ഗ് ആർ​ട്ടി​സ്റ്റ് ഭാ​ഗ്യ​ല​ക്ഷ്​മി, പ്രൊ​ഫ. അ​ലി​യാർ, ശാ​ന്തി​വി​ള ദി​നേ​ശ് എ​ന്നി​വർ പ​ങ്കെ​ടു​ത്തു.

 താരങ്ങളും സംഘടനയും അറിഞ്ഞില്ല!

സി​നി​മ​യ്​ക്കും നാ​ട​ക​ത്തി​നു​മാ​യി ജീ​വി​തം സ​മർ​പ്പി​ച്ച പാ​ലാ ​ത​ങ്ക​ത്തെ മ​ര​ണ​ത്തി​ന് ശേ​ഷ​വും ച​ല​ച്ചി​ത്ര​ലോ​കം അ​വ​ഗ​ണി​ച്ചെ​ന്ന് ആ​ക്ഷേ​പം. മ​ര​ണ​വി​വ​രം ഗാ​ന്ധി​ഭ​വൻ അ​ധി​കൃ​തർ സി​നി​മാ​സം​ഘ​ട​ന​യാ​യ അ​മ്മ​യു​ടെ ജ​ന​റൽ സെ​ക്ര​ട്ട​റി ഇ​ട​വേ​ള ബാ​ബു​വി​നെ​യും മ​റ്റ് പ്ര​മു​ഖ​രെ​യും അ​റി​യി​ച്ചി​രു​ന്നു. എ​ന്നാൽ ആ​രും എ​ത്തി​യി​ല്ല.

ഇ​ട​വേ​ള ബാ​ബു യാ​ത്ര​യി​ലാ​ണെ​ന്നും സം​ഘ​ട​ന​യ്​ക്ക് വേ​ണ്ടി റീ​ത്ത് വ​യ്​ക്ക​ണ​മെ​ന്നും ഗാ​ന്ധി​ഭ​വൻ അ​ധി​കൃ​ത​രെ അ​റി​യി​ച്ചി​രു​ന്നു. പ​ത്ത​നാ​പു​രം ഗാ​ന്ധി​ഭ​വ​നിൽ പൊ​തു​ദർ​ശ​ത്തി​ന് വ​ച്ച​പ്പോ​ഴാ​ണ് അ​മ്മ​യു​ടെ സ്ഥാ​പ​ക സെ​ക്ര​ട്ട​റി​യും ഗാ​ന്ധി​ഭ​വൻ അ​ന്തേ​വാ​സി​യു​മാ​യ ടി.പി. മാ​ധ​വൻ റീ​ത്ത് സ​മർ​പ്പി​ച്ച​ത്.

കേ​ര​ള സം​ഗീ​ത അ​ക്കാ​ഡ​മി 2018ൽ ഗു​രു​പൂ​ജാ പു​ര​സ്​കാ​രം നൽ​കി ആ​ദ​രി​ച്ചു. 2013 മു​തൽ ഗാ​ന്ധി​ഭ​വൻ അ​ന്തേ​വാ​സി​യാ​ണ് ത​ങ്കം.