കൊ​ല്ലം: ജി​ല്ല​യിൽ ര​ണ്ടി​ട​ങ്ങ​ളി​ലാ​യി ലോ​റി​യി​ടി​ച്ചു​ണ്ടാ​യ അ​പ​ക​ട​ത്തിൽ സ്​കൂ​ട്ടർ യാ​ത്രി​ക​രാ​യ ര​ണ്ടു​പേർ​ക്ക് സം​ഭ​വ​സ്ഥ​ല​ത്ത് വ​ച്ചു​ത​ന്നെ ദാ​രു​ണാ​ന്ത്യം. ഇന്നലെ രാവിലെ പതിനൊന്ന് മണിയോടെ കുണ്ടറ ചന്ദനത്തോപ്പിലും വൈകിട്ട് അഞ്ചരയോടെ എം.സി റോഡിൽ കൊട്ടാരക്കരയിലുമാണ് അപകടങ്ങൾ നടന്നത്.

ച​ന്ദ​ന​ത്തോ​പ്പിൽ ലോ​റി​ക്ക​ടി​യിൽ​പ്പെ​ട്ട് ക​രി​ക്കോ​ട് എൻ​ജി​നി​യ​റിം​ഗ് കോ​ളേ​ജി​ന് സ​മീ​പം വാ​ട​ക​യ്​ക്ക് താ​മ​സി​ക്കു​ന്ന ഇ​ര​വി​പു​രം ച​കി​രി​ക്ക​ട അൽ​അ​മീൻ ന​ഗർ ​26ൽ (കു​റ​വന്റ​ഴി​ക​ത്ത്) സ​ലി​മാ​ണ് (47) മ​രി​ച്ച​ത്. കൊ​ട്ടാ​ര​ക്ക​ര​യിൽ സ്​കൂ​ട്ട​റി​ന് പി​ന്നിൽ ലോ​റി​യി​ടി​ച്ചുണ്ടായ അപകടത്തിൽ കൊ​ട്ടാ​ര​ക്ക​ര ഈ​യം​കു​ന്ന് കൊ​ച്ചു​കി​ഴ​ക്ക​തിൽ കാർ​മ്മൽ ഭ​വ​ന​ത്തിൽ ജോൺ മാ​ത്യു​വാണ് (68) മ​രി​ച്ചത്.

ക​രി​ക്കോ​ട് ഭാ​ഗ​ത്ത് നി​ന്ന് കു​ണ്ട​റ​യി​ലേ​ക്ക് ബൈ​ക്കിൽ വ​രിക​യാ​യി​രു​ന്ന സ​ലിം, മ​റി​ക​ട​ന്നെ​ത്തി​യ ച​ര​ക്ക് ലോ​റി​യിൽത്ത​ട്ടി ലോ​റി​ക്ക​ടി​യി​ലേ​ക്ക് വീ​ഴു​ക​യു​മാ​യി​രു​ന്നു. പിൻ​വീ​ലു​കൾ ക​യ​റി​യി​റ​ങ്ങി​യത് മരണത്തിനിടയാക്കി. സൗ​ദി അ​റേ​ബ്യ​യി​ലെ മ​ദീ​ന​യിൽ പാ​ച​ക​ക്കാ​ര​നാ​യി​രു​ന്ന സ​ലിം മൂ​ന്ന് മാ​സം മു​ൻപാണ് അ​വ​ധി​ക്കെ​ത്തി​യ​ത്. ഈ മാ​സം തി​രി​കെ​പ്പോ​കാ​നി​രി​ക്കെ​യാ​ണ് അ​പ​ക​ട​മു​ണ്ടാ​യ​ത്.
കൊട്ടാരക്കരയിൽ പു​ല​മൺ ആ​ര്യാ​സ് ഹോ​ട്ട​ലി​ന് മു​ന്നി​ലാ​യി​രു​ന്നു രണ്ടാമത്തെ അപകടം. കൊ​ട്ടാ​ര​ക്ക​ര നി​ന്ന് എം.സി റോ​ഡ് വ​ഴി വീ​ട്ടി​ലേ​ക്ക് പോ​വു​ക​യാ​യി​രു​ന്ന ജോൺ മാ​ത്യു​വി​ന്റെ സ്​കൂ​ട്ട​റി​ന് പി​ന്നിൽ നാ​ഷ​ണൽ പെർ​മി​റ്റ് ലോ​റി ഇ​ടി​ക്കു​ക​യാ​യി​രു​ന്നു. റോ​ഡിൽ തെ​റി​ച്ചു​വീ​ണ ജോൺ മാ​ത്യു​വി​ന്റെ ശ​രീ​ര​ത്തി​ൽ ലോ​റി​യു​ടെ ചക്ര​ങ്ങൾ ക​യ​റി​യി​റ​ങ്ങി. മൃ​ത​ദേ​ഹം കൊ​ട്ടാ​ര​ക്ക​ര താ​ലൂ​ക്ക് ആ​ശു​പ​ത്രി മോർ​ച്ച​റി​യിൽ സൂ​ക്ഷി​ച്ചി​ട്ടു​ണ്ട്. കൊ​ട്ടാ​ര​ക്ക​ര പൊ​ലീ​സ് കേ​സെ​ടു​ത്തു. സം​സ്​കാ​രം പി​ന്നീ​ട് നടക്കും.

ബീമയാണ് സലിമിന്റെ ഭാ​ര്യ. സെ​മി​ന, സുൽ​ത്താ​ന, സെ​യ്​ദ​ലി എന്നിവർ മക്കളും ജെ. നി​യാ​സ്, എ​സ്. നി​യാ​സ് എന്നിവർ മരുമക്കളുമാണ്. റോ​സ​മ്മയാണ് ജോൺ മാത്യുവിന്റെ ഭാര്യ. ഫേ​ബ, ലു​ധി​യ, കെ​സി​യ എന്നിവർ മക്കളും.