കൊല്ലം: ചന്ദനത്തോപ്പിൽ ലോറിക്കടിയിൽപ്പെട്ട് ഗൃഹനാഥൻ മരിക്കാനിടയായ അപകടത്തിന് കാരണം വാ​ഹ​നപ​രി​ശോ​ധ​ന​യാ​ണെ​ന്ന് ആ​രോ​പി​ച്ച് രാഷ്ട്രീയ പ്ര​വർ​ത്ത​കരും നാട്ടുകാരും ചേർന്ന് പൊ​ലീ​സി​നെ ത​ട​ഞ്ഞു​വ​ച്ചത് പ്രദേശത്ത് സം​ഘർ​ഷാ​വ​സ്ഥ​യും ഗതാഗതക്കുരുക്കും സൃഷ്ടിച്ചു. ര​ണ്ട് മ​ണി​ക്കൂ​റോ​ളം പൊ​ലീ​സി​നെ ത​ട​ഞ്ഞു​വ​ച്ച പ്രതിഷേധക്കാരെ റൂ​റൽ അഡിഷണൽ എ​സ്.പി എസ്. മ​ധുസൂദനൻ എ​ത്തി​യാ​ണ് അ​നു​ന​യി​പ്പി​ച്ച​ത്. സ​മീ​പ​ത്തെ ഗൃ​ഹോ​പ​ക​ര​ണ സ്ഥാ​പ​ന​ത്തി​ലെ സി.സി ടി.വി ദൃ​ശ്യ​ങ്ങൾ ഇ​വ​രെ കാ​ണി​ച്ചാ​ണ് പൊലീസ് അ​പ​ക​ട​ത്തി​ന്റെ സ​ത്യാ​വ​സ്ഥ ബോ​ദ്ധ്യ​പ്പെ​ടു​ത്തി​യ​ത്. പൊ​ലീ​സ് വാ​ഹ​നം ത​ട​ഞ്ഞ​തി​നും റോ​ഡ് ഉ​പ​രോ​ധി​ച്ച​തി​നും നാൽ​പ്പ​തോ​ളം പേർ​ക്കെ​തി​രെ കേ​സെ​ടു​ത്ത​താ​യി കു​ണ്ട​റ പൊ​ലീ​സ് അറിയിച്ചു.