കൊ​ല്ലം: എൺപത്തിയൊന്നിന്റെ നിറവിലും അക്ഷരങ്ങളെയും അറിവുകളെയും പ്രണയിച്ച് അച്ചൻകുഞ്ഞ്. പ്രായത്തിന്റെ അവശത വകവയ്ക്കാതെ സാക്ഷരതാ മിഷന്റെ പരീക്ഷയ്ക്കെത്തിയ വയോധികൻ നാടിനാകെ മാതൃകയായി.

സം​സ്ഥാ​ന സാ​ക്ഷ​ര​താ മി​ഷൻ അ​തോ​റി​റ്റിയുടെ 'ഗു​ഡ് ഇം​ഗ്ലീ​ഷ്' സർ​ട്ടി​ഫി​ക്ക​റ്റ് കോ​ഴ്‌​സിന്റെ ഏ​റ്റ​വും പ്രാ​യമുള്ള പഠി​താ​വാ​ണ് അ​ച്ചൻ​കു​ഞ്ഞ്. 1957ൽ എസ്.എസ്.എൽ.സി പരീക്ഷ​യിൽ പ​രാ​ജി​ത​നാ​യെ​ങ്കി​ലും അൻപത് വർ​ഷ​ത്തി​ന് ശേ​ഷം 2007ൽ സാക്ഷര​താ മി​ഷ​ന്റെ പ​ത്താം​ത​രം തു​ല്യ​ത​യി​ലൂ​ടെ വിജയി​യാ​യി പഠനം പുനരാരംഭിച്ചു. തു​ടർ​ന്ന് പൊ​തു​പ്ര​വർ​ത്ത​ന​ത്തിൽ സ​ജീ​വ​മാ​യ അച്ചൻകുഞ്ഞ് 2019ൽ ഹ​യർ സെ​ക്കൻഡ​റി തു​ല്യ​താ പരീക്ഷയിലും വി​ജ​യം നേടി.

നിലവിൽ ഇ​ന്ദി​രാ​ഗാ​ന്ധി ഓ​പ്പൺ യൂ​ണി​വേ​ഴ്‌​സി​റ്റി​യി​ലെ ബി.എ ച​രി​ത്ര വി​ദ്യാർത്ഥി​യാണ്. ഇ​തി​നി​ടെയാണ് സർ​ട്ടി​ഫി​ക്ക​റ്റ് കോ​ഴ്‌​സിന് ചേർ​ന്ന​ത്. സാ​ക്ഷ​ര​താ പരി​പാ​ടി​യിൽ ഇൻ​സ്​ട്ര​ക്​ട​റാ​യും പ്ര​വർ​ത്തി​ച്ചി​ട്ടു​ണ്ട്. മ​ര​ണ​ശേ​ഷം തന്റെ ശ​രീ​രം തി​രു​വ​ന​ന്ത​പു​രം മെ​ഡി​ക്കൽ കോ​ള​ജിലേക്ക് പഠനാവശ്യത്തിനായി നൽകണമെന്നാണ് ഈ അക്ഷരപ്രേമിയുടെ ആഗ്രഹം.

ജി​ല്ല​യിൽ സർ​ട്ടി​ഫി​ക്ക​റ്റ് കോ​ഴ്‌​സ് പരീക്ഷയിൽ 203 പേ​രാ​ണ് പങ്കെടുത്തത്. ഗു​ഡ് ഇം​ഗ്ലീ​ഷ് കോ​ഴ്സ് പരീക്ഷയിൽ 135 പേ​രും പ​ച്ച​മ​ല​യാ​ളം കോ​ഴ്‌​സി​ന് 68 പേ​രും പങ്കെടുത്തതായി ജി​ല്ലാ കോ​ ​ഓർ​ഡി​നേ​റ്റർ സി.കെ. പ്ര​ദീ​പ് കു​മാർ അ​റി​യി​ച്ചു.