കൊ​ല്ലം: പച്ചമത്സ്യം വാങ്ങാൻ ജില്ലയിൽ രണ്ട് ഫിഷ് മാർട്ടുകൾ കൂടി തുറക്കുന്നു. ഫിഷറീസ്, സഹകരണ വകുപ്പുകൾ, മത്സ്യഫെഡ് എന്നിവയുടെ സംയുക്താഭിമുഖ്യത്തിൽ അ​റ​യ്​ക്കൽ, പ​വി​ത്രേ​ശ്വ​രം സ​ഹ​ക​ര​ണ ബാങ്കുകളാണ് ഫിഷ് മാർട്ടുകൾ തുടങ്ങുന്നത്.

എല്ലാ നി​യോ​ജ​ക മ​ണ്ഡ​ല​ങ്ങ​ളി​ലും കു​റ​ഞ്ഞ​ത് ഒ​രു ആ​ധു​നി​ക മ​ത്സ്യ വി​പ​ണ​ന കേ​ന്ദ്രം ആ​രം​ഭി​ക്ക​ണ​മെ​ന്നു​ള്ള സർ​ക്കാർ ന​യ​ത്തി​ന്റെ ഭാഗമായാണ് പു​തി​യ ഫി​ഷ് മാർ​ട്ടു​കൾ. നിലവിൽ 46 ഫി​ഷ് മാർ​ട്ടു​ക​ളും 33 സർ​വീ​സ് സ​ഹ​ക​ര​ണ ഫ്രാ​ഞ്ചൈ​സി മാർ​ട്ടു​ക​ളും സം​സ്ഥാ​ന​ത്ത് പ്ര​വർ​ത്തി​ക്കു​ന്നു​ണ്ട്. മ​ത്സ്യം കൂ​ടാ​തെ മൂ​ല്യ​വർ​ദ്ധി​ത ഉ​ത്​പ​ന്ന​ങ്ങ​ളാ​യ മ​ത്സ്യം - ചെ​മ്മീൻ അ​ച്ചാ​റു​കൾ, ഫി​ഷ് ക​ട്‌​ല​റ്റ്, വി​വി​ധ​യി​നം മ​ത്സ്യ ക​റി​ക്കൂ​ട്ടു​കൾ, ഉ​ണ​ക്ക മ​ത്സ്യം, ചെ​മ്മീൻ റോ​സ്റ്റ്, ചെ​മ്മീൻ ച​മ്മ​ന്തി, കൈ​റ്റോൺ ഗു​ളി​ക എ​ന്നി​വ​യും ഫി​ഷ് മാർട്ടുകളിൽ ലഭിക്കും.

നാളെ രാ​വി​ലെ 11ന് മ​ന്ത്രി ജെ. മേ​ഴ്‌​സി​ക്കു​ട്ടി അ​മ്മ വീ​ഡി​യോ കോൺ​ഫ​റൻ​സി​ലൂ​ടെ ഫിഷ് മാർട്ടുകൾ ഉദ്ഘാടനം ചെയ്യും. മ​ന്ത്രി ക​ട​കം​പ​ള്ളി സു​രേ​ന്ദ്രൻ അ​ദ്ധ്യ​ക്ഷ​നാകും. മ​ന്ത്രി കെ. രാ​ജു, കോ​വൂർ കു​ഞ്ഞുമോൻ എം.എൽ.എ, മ​ത്സ്യ​ഫെ​ഡ് ചെ​യർ​മാൻ പി.പി. ചി​ത്ത​രഞ്ജൻ, മാ​നേ​ജിം​ഗ് ഡ​യ​റ​ക്​ടർ ലോ​റൻ​സ് ഹ​രോൾ​ഡ് തുടങ്ങിയവർ പ​ങ്കെ​ടു​ക്കും.