കൊല്ലം: കാറിടിച്ച് ഗുരുതരമായി പരിക്കേറ്റ ബൈക്ക് യാത്രക്കാരിക്ക് ഒരുകോടി പത്തുലക്ഷം രൂപ നഷ്ടപരിഹാരം. കരുനാഗപ്പള്ളി തഴവ തയ്യിൽ പടീറ്റതിൽ വീട്ടിൽ ഗീത.വി. ചെല്ലപ്പനാണ് ചെലവും പലിശയും സഹിതം നഷ്ടപരിഹാരം നൽകാൻ കൊല്ലം മോട്ടോർ ആക്സിഡന്റ് ക്ളെയിംഗ് ട്രൈബ്യൂണൽ ജഡ്ജ് എസ്. ജയകുമാർ ജോൺ ഉത്തരവായത്.

2017 മാർച്ച് 7ന് വവ്വാക്കാവ് ആനന്ദ ജംഗ്ഷനിൽ വച്ചായിരുന്നു അപകടം. ഭർത്താവ് ഓടിച്ചിരുന്ന ബൈക്കിൽ പിന്നിൽ നിന്ന് വന്ന കാറിടിക്കുകയായിരുന്നു. ചങ്ങൻകുളങ്ങര വിവേകാനന്ദ ഹയർ സെക്കൻഡറി സ്കൂൾ അദ്ധ്യാപികയായിരുന്നു ഗീത. ഹർജിക്കാരിക്കുവേണ്ടി അഭിഭാഷകരായ കെ. ചന്ദ്രൻ പിള്ള, വി. ഉണ്ണിക്കൃഷ്ണപിള്ള എന്നിവർ ഹാജരായി.