തൊ​ടി​യൂർ: തൊ​ടി​യൂർ പ​ഞ്ചാ​യ​ത്തിലെ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന്റെ കീ​ഴി​ലു​ള്ള ര​ണ്ട് സ​ബ് സെന്ററു​ക​ളിൽ ഒ​ന്ന് പ്ര​വർ​ത്ത​ന​ര​ഹി​ത​മാ​യി​ട്ട് വർ​ഷ​ങ്ങൾ ക​ഴി​യു​ന്നു. സ​ബ് സെന്റർ പ്ര​വർ​ത്തി​ച്ചു വ​ന്ന പ​ഞ്ചാ​യ​ത്ത് വ​ക കെ​ട്ടി​ടം ജീർ​ണി​ച്ച് ഉ​പ​യോ​ഗ​യോ​ഗ്യ​മ​ല്ലാ​താ​യ​തോ​ടെ​യാ​ണ് അ​ട​ച്ചു പൂ​ട്ടി​യ​ത്. തൊ​ടി​യൂർ ഗ​വ. ഹ​യർ സെ​ക്കൻ​ഡ​റി സ്​കൂ​ളി​ന് വ​ട​ക്കു​വ​ശത്ത് റോ​ഡ​രി​കി​ലാ​യാണ് സെന്റർ പ്ര​വർ​ത്തി​ച്ചി​രു​ന്ന​ത്. ജീ​വി​ത ശൈ​ലീ രോ​ഗ​ങ്ങ​ളു​ടെ നിർ​ണ​യം ഉൾ​പ്പ​ടെ​യു​ള്ള അ​ത്യാ​വ​ശ്യ സേ​വ​ന​ങ്ങൾ നാ​ട്ടു​കാർ​ക്ക് ഇ​വി​ടെ നി​ന്ന് ല​ഭി​ച്ചി​രു​ന്നു. ഈ കെ​ട്ടി​ടം ഉ​പ​ഗോയ ശൂന്യമായതോടെ
സ​ബ്‌​സെന്റ​റി​ന്റെ പ്ര​വർ​ത്ത​നം സ​മീ​പ​ത്തെ ഒ​രു വീ​ട്ടി​ലേ​ക്ക് മാ​റ്റി. എ​ന്നാൽ ഇ​വി​ടെ പൂർ​ണ​മാ​യ നി​ല​യിൽ പ്ര​വർ​ത്ത​നം ന​ട​ക്കു​ന്നി​ല്ലെ​ന്ന് പരാതിയുണ്ട്. ഉ​പ​കേ​ന്ദ്രം പ്ര​വർ​ത്തി​ച്ചി​രു​ന്ന കെ​ട്ടി​ട​ത്തിന്റ അ​റ്റ​കു​റ്റ​പ്പ​ണി​ യ​ഥാ​സ​മ​യം ന​ട​ത്താ​തി​രു​ന്ന​താ​ണ് അ​ട​ച്ചു പൂ​ട്ട​ലി​ന് വ​ഴി​തെ​ളി​ച്ച​തെന്നാണ് നാ​ട്ടു​കാരുടെ ആക്ഷേപം. മേൽ​ക്കൂ​ര​യി​ലെ ഓ​ടു​കൾ ത​കർ​ന്നു പോ​യി​ട​ത്ത് പ്ലാ​സ്റ്റി​ക് ഷീ​റ്റ് മേ​ഞ്ഞി​രി​ക്കു​ക​യാ​ണ്. ഇ​തി​ന്റെ മ​തിൽ​ക്കെ​ട്ടി​ന​കം മാ​ലി​ന്യ നി​ക്ഷേ​പ​കേ​ന്ദ്ര​മാ​യി മാ​റി​. പ​ഞ്ചാ​യ​ത്ത് വ​ക പ്ലാസ്റ്റി​ക് സം​ഭ​ര​ണി​യും ഈ വ​ള​പ്പി​നു​ള്ളിൽ സ്ഥാ​പി​ച്ചി​ട്ടു​ണ്ട്. കോ​ഴി​വേ​സ്റ്റ് ഉൾപ്പടെയുള്ളവ ഇവിടെ ത​ള്ളാ​റു​ണ്ടെ​ന്ന് പ​രി​സ​ര​വാ​സി​കൾ പ​റ​യു​ന്നു. പു​തി​യ കെ​ട്ടി​ടം നിർ​മി​ച്ച് ആ​രോ​ഗ്യ ഉ​പ​കേ​ന്ദ്ര​ത്തി​ന്റെ പ്ര​വർ​ത്ത​നം എ​ത്ര​യും വേ​ഗം ​പു​ന​രാ​രം​ഭി​ക്ക​ണ​മെ​ന്നാണ് നാ​ട്ടു​കാരുടെ ആവശ്യം.