എടമുട്ടം: കഴിമ്പ്രം വാഴപ്പുള്ളി ശ്രീരാജരാജേശ്വരി ക്ഷേത്രത്തിലെ മകരപ്പത്ത് മഹോത്സവത്തിന് മുന്നോടിയായി ദേവിയുടെ ഗ്രാമ പ്രദക്ഷിണം ആരംഭിച്ചു. ഉച്ചയ്ക്ക് ശ്രീവട്ടപ്പരത്തി ഷൺമുഖ ക്ഷേത്രത്തിൽ ഇറക്കി പൂജയും തുടർന്ന് ഇരുപത്തി അഞ്ചോളം ക്ഷേത്രങ്ങളും രണ്ട് മഹല്ലുകളും സന്ദർശിച്ച് വൈകിട്ട് ദീപാരാധനയ്ക്ക് മുമ്പായി ക്ഷേത്രത്തിൽ തിരിച്ചെത്തി. ക്ഷേത്രം മേൽശാന്തി മനോജ്, ക്ഷേത്രം ഭാരവാഹികളായ വി.ആർ രാധാകൃഷ്ണൻ, വി.യു ഉണ്ണിക്കൃഷ്ണൻ, വി.കെ ഹരിദാസ്, വി.എച്ച് ഷാജി എന്നിവർ നേതൃത്വം നൽകി.