കാഞ്ഞങ്ങാട്: കല്ലൂരാവിയിലെ ഡി.വൈ.എഫ്‌.ഐ പ്രവർത്തകൻ ഔഫ് അബ്ദുൾ റഹ്മാനെ (30) കുത്തികൊലപ്പെടുത്താനുപയോഗിച്ച കത്തി ക്രൈംബ്രാഞ്ച് കണ്ടെത്തി. ഇന്നലെ വൈകിട്ട് മുഖ്യപ്രതി ഇർഷാദിന്റെ സാന്നിദ്ധ്യത്തിൽ നടത്തിയ തെരച്ചിലിൽ സംഭവസ്ഥലത്തുനിന്നു പത്തു മീറ്റർ അകലെ തെങ്ങിൻ ചുവട്ടിലാണ് കത്തി കണ്ടെത്തിയത്.

കല്ലൂരാവി മുണ്ടത്തോട്ട് റോഡിലാണ് ഔഫ് കൊല്ലപ്പെട്ടത്. ഇർഷാദ് സംഭവത്തിനുശേഷം ചികിത്സയിൽ കഴിഞ്ഞ മംഗളൂരുവിലെ യൂണിറ്റി ആശുപത്രിയിലെത്തിച്ച് ഇനി തെളിവെടുക്കും. കസ്റ്റഡി കാലാവധി കഴിഞ്ഞ് തിങ്കളാഴ്ച ഇർഷാദിനെ കോടതിയിൽ ഹാജരാക്കുന്നതിനു മുമ്പു റിമാൻഡിൽ കഴിയുന്ന മറ്റു രണ്ടു പ്രതികളെ കസ്റ്റഡിയിൽ ആവശ്യപ്പെട്ട് ക്രൈം ബ്രാഞ്ച് കോടതിയെ സമീപിച്ചേക്കും