10 ജനകീയ പദ്ധതികൾ പ്രഖ്യാപിച്ച് മുഖ്യമന്ത്രി

തിരുവനന്തപുരം: പുതുവത്സര സമ്മാനമായി പത്തു ജനകീയ പദ്ധതികൾ പ്രഖ്യാപിച്ച മുഖ്യമന്ത്രി പിണറായി വിജയൻ, ഉല്ലാസവേളകൾ ഇല്ലാതായ കൊവിഡ്കാല കേരളത്തിന് ആശ്വാസമായി വരുന്ന ചൊവ്വാഴ്ച മുതൽ സിനിമാ തിയേറ്ററുകൾ തുറക്കാനും കലാപരിപാടികളോടെ ഉത്സവങ്ങൾ നടത്താനും അനുമതി നൽകി. കൊവിഡ് മാദണ്ഡങ്ങൾ പാലിച്ചായിരിക്കും ഇത്. നീന്തൽ ഉൾപ്പെടെ കായിക പരിശീലനങ്ങൾ നിയന്ത്രണങ്ങളോടെ അനുവദിക്കും. നിയന്ത്രിത പങ്കാളിത്തത്തോടെ എക്സിബിഷൻ ഹാളുകൾക്കും അനുമതിയുണ്ടാകും.

അഴിമതിക്കാർക്കെതിരെ രഹസ്യ പരാതി നൽകാൻ പുതിയ ഡിജിറ്റൽ സംവിധാനവും അതിനു നേതൃത്വം നൽകുന്ന അതോറിട്ടിയും റിപ്പബ്ളിക് ദിനത്തിൽ നിൽവിൽ വരുമെന്നും മുഖ്യമന്ത്രി പ്രഖ്യാപിച്ചു. ഉന്നത വിദ്യാഭ്യാസരംഗത്ത് ആയിരം വിദ്യാർത്ഥികൾക്ക് ഒരു ലക്ഷം രൂപയുടെ സ്കോളർഷിപ്പ്, മക്കളോ ബന്ധുക്കളോ ഒപ്പമില്ലാത്ത വയോജനങ്ങൾക്ക് അഞ്ച് സർക്കാർ സേവനങ്ങൾ വീട്ടിൽ ലഭ്യമാക്കുക എന്നിവയാണ് പുതിയ പദ്ധതികളിൽ പ്രധാനം. ഇതനുസരിച്ച് സാമൂഹ്യസുരക്ഷാ പെൻഷൻ വാങ്ങുന്നവർക്കും മറ്റും ലൈഫ് സർട്ടിഫിക്കറ്റ്, മസ്റ്ററിംഗ് എന്നിവയ്ക്ക് വീട്ടിൽ സേവനം ലഭ്യമാകും.

ദുരിതാശ്വാസ സഹായം, ജീവൻരക്ഷാ മരുന്ന് വിതരണം, അപേക്ഷാ സമർപ്പണം തുടങ്ങിയവയാണ് തദ്ദേശസ്ഥാപനങ്ങളുടെയും സന്നദ്ധസംഘടനകളുടെയും സഹായത്തോടെ ലഭ്യമാക്കുക. കുട്ടികളിലെ ആത്മഹത്യാപ്രവണത തടയാൻ കൗൺസലിംഗിനും നിരീക്ഷണത്തിനും ഇരുപത് കുട്ടികൾക്ക് ഒരു അദ്ധ്യാപകനെ വീതം ചുമതലപ്പെടുത്തുന്നതും പുതിയ പദ്ധതിയാണ്.

പത്ത് പുതിയ

പദ്ധതികൾ

* കൊവിഡ് മൂലം മടങ്ങിവന്ന പ്രവാസികൾക്ക് വിജ്ഞാപനം വേണ്ടിവരുന്നത് ഒഴികെയുള്ള സർക്കാർ രേഖകൾ 15 ദിവസത്തിനുള്ളിൽ

* സഹായത്തിന് ആരും ഒപ്പമില്ലാത്ത വയോജനങ്ങൾക്ക് ജനുവരി 15 മുതൽ അഞ്ച് സർക്കാർ സേവനങ്ങൾ വീട്ടിൽ

* സത്യമേവ ജയതേ എന്ന പേരിൽ ഡിജിറ്റൽ/ മീഡിയ സാക്ഷരതാ പരിപാടി

* മിടുക്കരായ വിദ്യാർത്ഥികൾക്കായി എമിനന്റ്സ് സ്കോളേഴ്സ് ഒാൺലൈൻ

* ബിരുദധാരികളായ ആയിരം വിദ്യാർത്ഥികൾക്ക് ഒരുലക്ഷം രൂപയുടെ പ്രതിഭാസഹായ പദ്ധതി

* കുട്ടികളിലെ ആത്മഹത്യാപ്രവണത തടയാൻ 2048 കൗൺസിലമാർ. ബ്ളോക്ക് തലത്തിൽ രക്ഷിതാൾക്കും കൗൺസലിംഗ്

* കൗമാരക്കാരിലെ രക്തക്കുറവ് പരിഹരിക്കാൻ ഫെബ്രുവരിയിൽ പ്രത്യേക പദ്ധതി

* പ്രകൃതിസൗഹൃദ ഭവനങ്ങൾക്ക് നികുതിയിൽ ഗ്രീൻ റിബേറ്റ് ഇൗ മാസം മുതൽ

* തദ്ദേശസ്ഥാപങ്ങളിൽ പൊതു ഇടങ്ങൾ

* അഴിമതി തടയാൻ സോഫ്റ്റ് വെയർ സഹായത്തോടെ പ്രത്യേക പദ്ധതി 26 മുതൽ

നി​യ​ന്ത്ര​ണ​ങ്ങൾ

നി​ബ​ന്ധ​ന​ക​ളോ​ടെ​ ​തീ​യേ​റ്റ​റു​കൾ
#​ ​പ​കു​തി​ ​സീ​റ്റു​ക​ളി​ലേ​ക്ക് ​മാ​ത്രം​ ​ടി​ക്ക​റ്റ് ​വി​ല്പന
#​ ​കോ​വി​ഡ് ​മാ​ന​ദ​ണ്ഡ​ങ്ങ​ൾ​ ​ക​ർ​ശ​ന​മാ​യി​ ​പാ​ലി​ക്ക​ണം.
#​ ​നി​ബ​ന്ധ​ന​ക​ൾ​ ​പാ​ലി​ച്ചി​ല്ലെ​ങ്കി​ൽ​ ​ക​ർ​ശ​ന​ ​ന​ട​പ​ടി
#​ ​അ​ഞ്ചാം​ ​തീ​യ​തി​ക്കു​മു​മ്പു​ ​അ​ണു​മു​ക്ത​മാ​ക്ക​ണം.

ഉ​ത്സ​വ​ങ്ങൾ

#​ ​ഉ​ത്സ​വ​ങ്ങ​ളും​ ​ക​ലാ​പ​രി​പാ​ടി​ക​ളും​ ​ജ​നു​വ​രി​ ​അ​ഞ്ചു​മു​ത​ൽ.
#​ ​ഉ​ത്സ​വ​ങ്ങ​ൾ,​ ​സാം​സ്‌​കാ​രി​ക,​ ​ക​ലാ​പ​രി​പാ​ടി​ക​ൾ​ക്ക​യ്ക്ക് ​ഇ​ൻ​ഡോ​റി​ൽ​ ​പ​ര​മാ​വ​ധി​ ​നൂ​റു​പേ​ർ.​ഔ​ട്ട്‌​ഡോ​റി​ൽ​ ​ഇ​രു​ന്നൂ​റു​പേർ
പൊ​ലീ​സും​ ​സെ​ക്ട​റ​ൽ​ ​മ​ജി​സ്‌​ട്രേ​റ്റു​മാ​രും​ ​നി​ബ​ന്ധ​ന​ക​ൾ​ ​നി​രീ​ക്ഷി​ക്കും