മട്ടന്നൂർ: കണ്ണൂർ വിമാനത്താവളത്തിൽ നിന്ന് വീണ്ടും സ്വർണം പിടികൂടി. 25 ലക്ഷത്തിന്റെ സ്വർണവുമായി കാസർകോട് സ്വദേശി ഹാഫിസാണ് (35) പിടിയിലായത് . ഇയാളിൽ നിന്നും 480 ഗ്രാം തൂക്കം വരുന്ന സ്വർണം മലദ്വാരത്തിൽ ഒളിപ്പിച്ചു കടത്തുന്നതിനിടെയാണ് കസ്റ്റംസ് പിടികൂടിയത് . ശനിയാഴ്ച്ച പുലർച്ചെ വിമാനത്താവളത്തിലെത്തിയ ഹാഫിസിനെ പരിശോധിച്ചപ്പോഴാണ് സ്വർണം കണ്ടെത്തിയത് . സ്വർണമിശ്രിതം മൂന്ന് കാപ്സ്യൂൾ രൂപത്തിലാക്കി മലദ്വാരത്തിൽ ഒളിപ്പിച്ചുകടത്താനായിരുന്നു ഇയാളുടെ ശ്രമം. കാപ്സ്യൂളുകളിൽ നിന്ന് ലഭിച്ച 540 ഗ്രാം സ്വർണമിശ്രിതത്തിൽ നിന്ന് വേർതിരിച്ചപ്പോൾ 480 ഗ്രാം സ്വർണമാണ് ലഭിച്ചത്. കസ്റ്റംസ് ജോയിന്റ് കമ്മീഷണർ കിഷോർ, സൂപ്രണ്ട് കെ. സുകുമാരൻ, സി.വി. മാധവൻ, ഇൻസ്‌പെക്ടർമാരായ എൻ. അശോക് കുമാർ, കെ.വി. രാജു, ബി. യദുകൃഷ്ണ, സന്ദീപ് കുമാർ, സോണിത് കുമാർ എന്നിവരാണ് കസ്റ്റംസ് സംഘത്തിൽ ഉണ്ടായിരുന്നത്.