തിരുവനന്തപുരം: ബംഗാൾ ഉൾക്കടലിൽ നിന്നുള്ള കിഴക്കൻ കാറ്റ് ശക്തിപ്പെടുന്നതിനാൽ നാളെ മുതൽ സംസ്ഥാനത്ത് ഒറ്റപ്പെട്ട മഴയ്ക്ക് സാധ്യത. സംസ്ഥാനത്തെ മദ്ധ്യ വടക്കൻ ജില്ലകളിലാണ് കൂടുതൽ മഴ പെയ്യാൻ സാധ്യതയുള്ളത്. ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലി മീറ്റർ വരെ മഴ ലഭിക്കും. നിലവിൽ ബംഗാളുൾക്കടലിലെ കാറ്റിന്റെ വേഗത 40 മുതൽ 50 കി.മി വരെയാണ്. ഇതിന്റെ പശ്ചാത്തലത്തിൽ ഇടുക്കിയിൽ ആറിന് യെല്ലോ അലർട്ട് പ്രഖ്യാപിച്ചിട്ടുണ്ട്. നാളെ തെക്കൻ ജില്ലകളിൽ പകൽ പൊതുവെ വരണ്ട കാലാവസ്ഥയാണെങ്കിലും വൈകിട്ടോടെ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.