തിരുവനന്തപുരം: ജില്ലയിൽ ഇന്നലെ 282 പേർക്ക് കൂടി കൊവിഡ് സ്ഥിരീകരിച്ചു. 264 പേർ രോഗമുക്തരായി. ഇന്നലെ രോഗം സ്ഥിരീകരിച്ചവരിൽ 143 പേർക്ക് സമ്പർക്കത്തിലൂടെയാണു രോഗബാധ. ഇതിൽ നാല് പേർ ആരോഗ്യപ്രവർത്തകരാണ്. രോഗലക്ഷണങ്ങളെത്തുടർന്ന് 1,241 പേരെക്കൂടി നിരീക്ഷണത്തിലാക്കി. ഇവരടക്കം ആകെ 19,001 പേർ വീടുകളിലും 64 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. 1,340 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി. ജില്ലയിൽ നിലവിൽ 3,493 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്.