തിരുവനന്തപുരം: സംസ്ഥാനത്ത് 4600 പേർക്ക് കൂടി കൊവിഡ് സ്ഥിരീകരിച്ചു. 4039 പേർ

സമ്പർക്ക രോഗികളാണ്. 451 പേരുടെ ഉറവിടം വ്യക്തമല്ല. 49 ആരോഗ്യപ്രവർത്തകരും രോഗബാധിതരായി. കഴിഞ്ഞ 24 മണിക്കൂറിനിടെ 47,291 സാമ്പിളുകളാണ് പരിശോധിച്ചത്. 9.73 ശതമാനമാണ് ടെസ്റ്റ് പോസിറ്റിവിറ്റി നിരക്ക്.

25 കൊവിഡ് മരണങ്ങളും റിപ്പോർട്ട് ചെയ്തു. എറണാകുളത്താണ് ഇന്നലെയും ഏറ്റവും കൂടുതൽ കേസുകൾ റിപ്പോർട്ട് ചെയ്തത്. ജില്ലയിൽ 728 പേരാണ് രോഗബാധിതരായത്. മലപ്പുറം 522, കോഴിക്കോട് 511, കോട്ടയം 408, പത്തനംതിട്ട 385, തൃശൂർ 328, കൊല്ലം 327, തിരുവനന്തപുരം 282, ആലപ്പുഴ 270, ഇടുക്കി 253, പാലക്കാട് 218, കണ്ണൂർ 179, വയനാട് 148, കാസർകോട് 41 എന്നിങ്ങനെയാണ് മറ്റുജില്ലകളിലെ സ്ഥിതി. അതേസമയംചികിത്സയിലായിരുന്ന 4668 പേരുടെ പരിശോധനാഫലം നെഗറ്റീവ് ആയി. വിവിധ ജില്ലകളിലായി 2,36,664 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 2,25,295 പേർ വീട്/ഇൻസ്റ്രിറ്ര്യൂഷണൽ ക്വാറന്റൈനിലും 11,369 പേർ ആശുപത്രികളിൽ നിരീക്ഷണത്തിലുമാണ്.

ആകെ രോഗികൾ 7,75,852

ചികിത്സയിലുള്ളവർ 65,278

രോഗമുക്തർ 7,07,244

ആകെ മരണം 3141