വെഞ്ഞാറമൂട്: മാണിക്കോട് ശിവക്ഷേത്രത്തിൽ കവർച്ച. രാവിലെ പൂജയ്ക്കായി ക്ഷേത്രനട തുറന്നപ്പോഴാണ് കവർച്ച നടന്നതായി പുറത്തറിഞ്ഞത്. ശ്രീകോവിലിന്റെ പൂട്ട് തകർത്ത നിലയിലായിരുന്നു.സമീപത്തെ പൂജാസ്റ്റാളിൽ നിന്ന് പണം മോഷ്ടിച്ചിട്ടുണ്ട്. ക്ഷേത്ര കമ്മിറ്റി ഓഫിസിന്റെ പൂട്ടും അക്രമികൾ തകർത്തിട്ടുണ്ട്. ആയിരം രൂപ മാത്രമേ മോഷണം പോയിട്ടുള്ളുവെന്ന് ക്ഷേത്ര അധികൃതർ പൊലീസിനെ അറിയിച്ചു. സി .സി .ടി .വി ദൃശ്യങ്ങളിൽ നിന്നും കഴിഞ്ഞ ദിവസം പുലർച്ചെ ഒന്നര മണിയോടെയാണ് മോഷണം നടന്നതെന്ന് സി.സി.ടി.വി ദൃശ്യങ്ങളിൽ നിന്ന് മനസിലാക്കിയതായി പൊലീസ് പറഞ്ഞു. എന്നാൽ മോഷ്ടാക്കളുടെ മുഖം വ്യക്തമല്ല. വെഞ്ഞാറമൂട് പൊലിസ് അന്വേഷണം ആരംഭിച്ചു.