തിരുവനന്തപുരം: കോളേജ് അദ്ധ്യാപകരുടെ ഏഴാം യു.ജി.സി ശമ്പളപരിഷ്‌കരണത്തെ സംബന്ധിച്ച് അന്തിമ ഉത്തരവ് ഏതാനും ദിവസത്തിനുള്ളിൽ ഇറക്കുമെന്ന് ഉന്നത വിദ്യാഭ്യാസമന്ത്രി കെ.ടി.ജലീൽ ഉറപ്പ് നൽകി. പ്രിൻസിപ്പൽമാരുമായി ഇന്നലെ നടത്തിയ വീഡിയോകോൺഫറൻസിൽ സംസാരിക്കുകയായിരുന്നു മന്ത്രി.

എയ്ഡഡ് കോളേജുകളിൽ 721 അദ്ധ്യാപക തസ്തികകൾ സൃഷ്ടിച്ചതും 197 പുതിയ കോഴ്‌സുകൾ ആരംഭിച്ചതും, ശമ്പളബില്ലുകൾ നേരിട്ട് ട്രഷറിയിൽ സമർപ്പിക്കാൻ എയ്ഡഡ് കോളേജ് പ്രിൻസിപ്പൽമാർക്ക് അനുവാദം നൽകിയതും സമാശ്വാസ പദ്ധതി നടപ്പിലാക്കിയതും റൂസ പദ്ധതിയിൽപ്പെടുത്തി 277.96 കോടി രൂപ കോളേജുകളുടെ വികസനത്തിന് അനുവദിച്ചതും ഉന്നത വിദ്യാഭ്യാസ മേഖലയുടെ പുരോഗതിക്ക് സർക്കാർ നടത്തുന്ന ഇടപെടലുകളുടെ തെളിവാണെന്ന് മന്ത്രി ചൂണ്ടിക്കാട്ടി.