സംസ്ഥാന ചലച്ചിത്ര അക്കാഡമി സംഘടിപ്പിക്കുന്ന ഇരുപത്തിയഞ്ചാമത്തെ അന്താരാഷ്ട്ര ചലച്ചിത്രോത്സവത്തിലേക്ക് ' അറ്റെൻഷൻ പ്ലീസ് ' തിരഞ്ഞെടുക്കപ്പെട്ടു. വിഷ്ണു ഗോവിന്ദൻ, ആതിര കല്ലിങ്കൽ എന്നിവരെ പ്രധാന കഥാപാത്രങ്ങളാക്കി നവാഗതനായ ജിതിൻ ഐസക് തോമസ് തിരക്കഥയെഴുതി സംവിധാനം ചെയ്യുന്ന ചിത്രം ഡി.എച്ച് സിനിമാസിന്റെ ബാനറിൽ ഹരി വൈക്കം, ശ്രീകുമാർ.എൻ.ജെ എന്നിവർ ചേർന്ന് നിർമ്മിക്കുന്നു. ആനന്ദ് മന്മഥൻ, ശ്രീജിത്ത്, ജോബിൻ, ജിക്കി തുടങ്ങിയവർ അഭിനയിക്കുന്നു. സിനിമയ്ക്കുള്ളിലെ വിവേചനവും വേർതിരിവും എടുത്തുകാട്ടുന്ന ചിത്രത്തിൽ ജാതിയുടെയും നിറത്തിന്റെയും പേരിലുള്ള കളിയാക്കൽ അതിരുവിടുമ്പോൾ സംഭവിക്കുന്ന പ്രശ്നങ്ങളും ചർച്ചചെയ്യുന്നു. ഛായാഗ്രഹണം: ഹിമൽ മോഹൻ, സംഗീതം: അരുൺ വിജയ്, എഡിറ്റർ: രോഹിത് വി.എസ്. വാര്യത്ത്. പി.ആർ.ഒ: എ.എസ് ദിനേശ്.