വെള്ളറട:രാജ്യ തലസ്ഥാനത്ത് പ്രക്ഷോഭത്തിൽ പങ്കെടുക്കുന്ന ആയിരകണക്കിന് കർഷകർക്ക് ഐക്യദാർഡ്യം പ്രഖ്യാപിച്ച് സി.പി. ഐ വെള്ളറട മണ്ഡലം കമ്മറ്റിയുടെ നേതൃത്വത്തിൽ സംഘടിപ്പിച്ച സമര ഐക്യം വെള്ളറടയിൽ കിസാൻ സഭ സംസ്ഥാന പ്രസിഡന്റ് അഡ്വ.ജെ.വേണുഗോപാലൻ നായർ ഉദ്ഘാടനം ചെയ്തു.സി.പി.ഐ മണ്ഡലം സെക്രട്ടറി കെ.പി.ഗോപകുമാർ അദ്ധ്യക്ഷത വഹിച്ചു.അഡ്വ.കള്ളിക്കാട് ചന്ദ്രൻ,പെരുങ്കടവിള ബ്ളോക്ക് പഞ്ചായത്ത് പ്രസിഡന്റ് ലാൽ കൃഷ്ണൻ,സി.പി.ഐ സെക്രട്ടറിയേറ്റ് അംഗങ്ങളായ സന്തോഷ്,ജനാർദ്ദനൻ,ഇടമനശേരി സന്തോഷ്,പി.സുജാത കുമാരി,ജെ ബാലരാജ്,കിസാൻ സഭ മണ്ഡലം സെക്രട്ടറി സുദർശനൻ,ഹരി,അപ്പുക്കുട്ടൻ,ജെ.ഷൈൻ കുമാർ തുടങ്ങിയവർ സംസാരിച്ചു.