തിരുവനന്തപുരം: സംസ്ഥാനത്ത് ഇന്നലെ 6394 പേർക്ക് കൊവിഡ് സ്ഥിരീകരിച്ചു. എറണാകുളം 1068, കോഴിക്കോട് 729, പത്തനംതിട്ട 666, കോട്ടയം 555, കൊല്ലം 548, തൃശൂർ 502, ആലപ്പുഴ 446, മലപ്പുറം 432, തിരുവനന്തപുരം 416, ഇടുക്കി 271, പാലക്കാട് 255, കണ്ണൂർ 219, വയനാട് 210, കാസർകോട് 77.

യു.കെ.യിൽ നിന്നും വന്ന 2 പേർക്ക് കൂടി കൊവിഡ് സ്ഥിരീകരിച്ചതോടെ യു.കെ.യിൽ നിന്നും വന്ന രോഗികളുടെ എണ്ണം 43 ആയി. ഇവരുടെ സാമ്പിളുകൾ തുടർപരിശോധനയ്ക്കായി പൂനെയിലേക്ക് അയച്ചിട്ടുണ്ട്. ആകെ 6 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.

63,891 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 10.01 . 25 മരണങ്ങളും സ്ഥിരീകരിച്ചു. 5723 പേർക്ക് സമ്പർക്കത്തിലൂടെയാണ് രോഗബാധ. 551 പേരുടെ ഉടവിടം വ്യക്തമല്ല. 51 ആരോഗ്യ പ്രവർത്തകർക്കും രോഗം ബാധിച്ചു. 5110 പേരുടെ ഫലം നെഗറ്റീവായി. 65,057 പേരാണ് ചികിത്സയിലുള്ളത്.