എഴുകോൺ : ബൈക്കിൽ കറങ്ങി നടന്ന് മാല പൊട്ടിച്ച കേസിലെ പ്രതികൾ എഴുകോൺ പൊലീസിന്റെ പിടിയിലായി. കാക്കക്കോട്ടൂർ സ്വദേശിനി അഖിനയുടെ കഴുത്തിൽ കിടന്നിരുന്ന സ്വർണമാല ബൈക്കിലെത്തി കവർന്ന കേസിലെ പ്രതികളായ കൊല്ലം മങ്ങാട് അറുനൂറ്റിമം​ഗലത്ത് ഷാർജാ മൻസിലിൽ ഷഹിൻഷാ (29), മങ്ങാട് അറുനൂറ്റിമം​ഗലത്ത് വികാസ് ഭവനിൽ വികാസ് (34) കിളികൊല്ലൂർ കരിക്കോട് മുതിരവിള വീട്ടിൽ കിരൺ (31) എന്നിവരെ എഴുകോൺ പൊലീസ് പിടികൂടി. കവർച്ചക്ക് ഉപയോ​ഗിച്ച സ്കൂട്ടറും കസ്റ്റഡിയിലെടുത്തു. എഴുകോൺ സി.ഐ.ശിവപ്രകാശ്, എസ്..ഐ.ബാബുക്കുറുപ്പ്, എസ്.ഐ.രഞ്ജു, ആശിഷ് കോഹുർ എന്നിവരടങ്ങുന്ന പൊലീസ് സംഘമാണ് പ്രതികളെ പിടികൂടിയത്.