തിരുവനന്തപുരം: സംസ്ഥാനത്ത് ഇന്നലെ 5142 പേർക്ക് കൊവിഡ് സ്ഥിരീകരിച്ചു. യു.കെ യിൽ നിന്നെത്തിയ 3 പേർക്കു കൂടി രോഗം സ്ഥിരീകരിച്ചു. ഇതോടെ യു.കെ യിൽ നിന്ന് വന്ന കൊവിഡ് ബാധിതരുടെ എണ്ണം 50 ആയി. 59,569 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 8.63 ആണ്. 23 മരണങ്ങളും സ്ഥിരീകരിച്ചു. 4563 പേർക്ക് സമ്പർക്ക രോഗബാധ. 424 പേരുടെ ഉറവിടം വ്യക്തമല്ല. 67 ആരോഗ്യ പ്രവർത്തകർക്കും രോഗം ബാധിച്ചു. 5325 പേർക്ക് രോഗമുക്തി. 64,236 പേർ ചികിത്സയിലും 1,98,270 പേർ നിരീക്ഷണത്തിലുമാണ്.