തിരുവനന്തപുരം: ഇന്നലെ ജില്ലയിൽ 344 പേർക്ക് കൂടി കൊവിഡ് സ്ഥിരീകരിച്ചു. 352 പേർ രോഗമുക്തരായി. 242 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ ആറുപേർ ആരോഗ്യപ്രവർത്തകരാണ്. രോഗലക്ഷണങ്ങളെത്തുടർന്ന് ജില്ലയിൽ 1,421 പേരെക്കൂടി നിരീക്ഷണത്തിലാക്കി. ആകെ 19,623 പേർ വീടുകളിലും 72 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. നിലവിൽ 3,544 പേരാണ് രോഗം സ്ഥിരീകരിച്ച് ചികിത്സയിലുള്ളത്. ഇന്നലെ വരെ നിരീക്ഷണത്തിലുണ്ടായിരുന്ന 1,402 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.