വർക്കല: ആറ്റിങ്ങൽ കോ - ഒാപ്പറേറ്റീവ് അർബൻ സൊസൈറ്റിയിലേക്ക് നടന്ന തിരഞ്ഞെടുപ്പിൽ യു.ഡി.എഫ് പാനൽ വീണ്ടും എതിരില്ലാതെ തിരഞ്ഞെടുക്കപ്പെട്ടു. സൊസൈറ്റിയുടെ സ്ഥാപക നേതാവ് കൂടിയായ ഡോ.വി.എസ്. അജിത്കുമാർ വീണ്ടും പ്രസിഡന്റായി തിരഞ്ഞെടുക്കപ്പെട്ടു. കെ.പി.സി.സി എക്‌സിക്യൂട്ടീവ് അംഗം, ഐ.എൻ.ടി.യു.സി ദേശീയ വർക്കിംഗ് കമ്മിറ്റി അംഗം എന്നീ നിലകളിൽ പ്രവർത്തിക്കുകയാണ് അജിത് കുമാർ. കെ.എസ്. ശ്രീരഞ്ജൻ (വൈസ് പ്രസിഡന്റ്), കെ. സുബാഷ് ബാബു, ജി. തുളസിദാസ്, എം.ആർ. രവീന്ദ്രൻ, ആർ. മുരളീധരൻ, എൻ. ഇന്ദ്രകുമാർ, കെ. ബൈജു, എസ്. നൂർജഹാൻ, പി. പ്രസന്ന, മാളു സുധീർ എന്നിവരാണ് മറ്റ് ഡയറക്ടർ ബോർഡ് അംഗങ്ങൾ.