ഫ്ലോറിഡ: കാപ്പിറ്റോളിലേക്കുള്ള പ്രതിഷേധ മാർച്ചിനിടെ ഇന്ത്യൻ പതാക ദുരുപയോഗപ്പെടുത്തിയ നടപടിയിൽ ഫൊക്കാന പ്രസിഡന്റ് ജോർജി വർഗീസ് ഉത്കണ്ഠ രേഖപ്പെടുത്തി. അമേരിക്കൻ രാഷ്‌ട്രീയത്തിലേക്ക് ഇന്ത്യൻ പതാകയെ വലിച്ചിഴക്കേണ്ടതിന്റെ ഔചിത്യം മനസിലാകുന്നില്ലെന്ന് അദ്ദേഹം വ്യക്തമാക്കി. അമേരിക്കയിൽ ഏതു പാർട്ടിക്കും പ്രതിഷേധിക്കാനുള്ള അവകാശമുണ്ട്. ഫൊക്കാനയ്ക്ക് ഒരു രാഷ്‌ടീയ പാർട്ടിയോടും പ്രത്യേക പ്രതിബദ്ധതയില്ല. അമേരിക്കൻ ജനാധിപത്യത്തിന്റെ ശ്രീകോവിലായ കാപ്പിറ്റോൾ ഹില്ലിൽ ചില സാമൂഹ്യവിരുദ്ധർ നടത്തിയ അഴിഞ്ഞാട്ടത്തിൽ ആശങ്കയുണ്ടെന്നും അക്രമികളാരായാലും പൊറുക്കാനാവാത്ത തെറ്റായിപ്പോയെന്നും അദ്ദേഹം പറഞ്ഞു.