പുതുവർഷത്തിൽ നടൻ റഹ്മാന് തമിഴിലും തെലുങ്കിലും തിരക്കിന്റെ നാളുകൾ. തമിഴിൽ മോഹൻ രാജയുടെ സഹായി സുബ്ബുറാം സംവിധാനം ചെയ്ത സിനിമ പ്രദർശന സജ്ജമായി. ചിത്രത്തിന്റെ ഫസ്റ്റ് ലുക്ക് ഉടൻ റിലീസ് ചെയ്യും. മാസ് ഹീറോ പരിവേഷമാണ് ഈ ചിത്രത്തിൽ റഹ്മാന്. ഹൈദരാബാദിൽ ഗോപിചന്ദിനൊപ്പം സമ്പത്ത് നന്തി സംവിധാനം ചെയ്യുന്ന

'സീട്ടിമാർ ' എന്ന സിനിമയിൽ അഭിനയിച്ചു വരുന്ന റഹ്മാൻ ഹൈദരാബാദിൽ തന്നെ മണിരത്നത്തിന്റെ ഡ്രീം പ്രോജ്ര്രകും മൾട്ടി സ്റ്റാർ ബ്രഹ്മാണ്ഡ ചിത്രവുമായ 'പൊന്നിയിൻ സെൽവ' നിൽ ജോയിൻ ചെയ്തു. തന്റെ കഥാപാത്രത്തെ കുറിച്ചു റഹ്മാൻ ഒന്നും വെളിപ്പെടുത്തിയിട്ടില്ല. എങ്കിലും മർമ്മ പ്രധാനമായ കഥാപാത്രമാണ് റഹ്മാന്റേത് എന്നാണ് സൂചന. ഇതിലെ കഥാപാത്രത്തിനു വേണ്ടി മാസങ്ങളോളം വാൾപയറ്റ് ,കുതിര സവാരി തുടങ്ങിയ കായിക അഭ്യാസങ്ങൾ പരിശീലിച്ചിരുന്നു. അഹമ്മദിന്റെ സംവിധാനത്തിൽ റഹ്മാൻ, 'ജയം' രവി, അർജ്ജുൻ എന്നിവർ ഒന്നിക്കുന്ന മൾട്ടി സ്റ്റാർ ചിത്രമായ 'ജന ഗണ മന', വിശാലിനൊപ്പം 'തുപ്പറിവാളൻ 2 ' എന്നിവയാണ് ഈ വർഷം ആദ്യ പകുതിയിലെ റഹ്മാന്റെ മറ്റു തമിഴ് ചിത്രങ്ങൾ. മലയാളത്തിൽ വളരെ സെല്ര്രകീവായി അഭിനയിക്കുന്ന റഹ്മാൻ 'രണ'ത്തിനു ശേഷം പുതുമുഖ സംവിധായകൻ ചാൾസ് ജോസഫ് അണിയിച്ചൊരുക്കുന്ന സിനിമയിലാണ് അഭിനയിക്കുന്നത്. ചിത്രത്തിന്റെ ടൈറ്റിൽ പ്രഖ്യാപനം അടുത്തയാഴ്ച്ച ഉണ്ടാകും. പീക്കോക് ആർട് ഹൗസിനായി എം.കെ.സുഭാകരനും, അജുവർഗീസ് വിളയടത്തും ചേർന്നു നിർമ്മിക്കുന്ന ചിത്രത്തിന്റെ ഷൂട്ടിംഗ് ജനുവരി അവസാനം കാശ്മീരിൽ തുടങ്ങും.