തിരുവനന്തപുരം : സംസ്ഥാനത്ത് ഇന്നലെ 5507 പേർ കൂടി കൊവിഡ് ബാധിതരായി. ഇതിൽ 4952 പേർ സമ്പർക്കരോഗികളാണ്. 433 പേരുടെ ഉറവിടം വ്യക്തമല്ല. 69 ആരോഗ്യ പ്രവർത്തകർക്കാണ് രോഗം ബാധിച്ചത്. 24 മണിക്കൂറിനിടെ 64,614 സാമ്പിളുകൾ പരിശോധിച്ചു. 8.52 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 25 കൊവിഡ് മരണങ്ങളും റിപ്പോർട്ട് ചെയ്തു. 4270 പേർ രോഗമുക്തരായി. വിവിധ ജില്ലകളിലായി 1,99,519 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 1,88,973 പേർ വീട്, ഇൻസ്റ്റിറ്റ്യൂഷണൽ ക്വാറന്റൈനിലും 10,546 പേർ ആശുപത്രികളിലും നിരീക്ഷണത്തിലാണ്.