തിരുവനന്തപുരം: എറണാകുളത്തെ ചിൽഡ്രൻസ് ഹോമിൽ നിന്ന് പോറ്റി വളർത്താൻ സ്വീകരിച്ച പെൺകുട്ടിയെ പീഡിപ്പിച്ച സംഭവത്തിൽ അന്വേഷിച്ച് റിപ്പോർട്ട് നൽകാൻ മന്ത്രി കെ.കെ. ശൈലജ വനിത ശിശുവികസന വകുപ്പ് ഡയറക്ടർക്ക് നിർദ്ദേശം നൽകി. കുട്ടിയെ കൈമാറുന്നതുമായി ബന്ധപ്പെട്ട് അന്നത്തെ ചൈൽഡ് വെൽഫെയർ കമ്മിറ്റിക്ക് തെറ്റുപറ്റിയിട്ടുണ്ടോ എന്നും അന്വേഷിക്കും. കുറ്റക്കാർക്കെതിരെ കർശന നടപടി സ്വീകരിക്കുന്നതോടൊപ്പം കുട്ടിക്ക് എല്ലാവിധ സംരക്ഷണവും ചികിത്സയും ഉറപ്പാക്കാനും മന്ത്രി നിർദ്ദേശം നൽകി.