തിരുവനന്തപുരം: സംസ്ഥാനത്തെ ബാങ്കുകളിലുള്ള നിക്ഷേപത്തിന്റെ 11 ശതമാനം സഹകരണ ബാങ്കുകളിലാണെന്ന് സാമ്പത്തിക അവലോകന റിപ്പോർട്ട് പറയുന്നു. വാണിജ്യ ബാങ്കുകളുൾപ്പെടെ എല്ലാ ബാങ്കുകളിലുമായി 5,​44,​372 കോടി നിക്ഷേപമുള്ളപ്പോൾ സഹകരണ ബാങ്കുകളിൽ മാത്രം 64,​687 കോടി നിക്ഷേപമുണ്ട്. എല്ലാ ബാങ്കുകളും ചേർന്ന് 3,​59,​274 കോടി രൂപ വായ്പ നൽകിയപ്പോൾ സഹകരണ ബാങ്കുകൾ മാത്രം നൽകിയത് 50,​334 കോടി രൂപ. എല്ലാ ബാങ്കുകളും ചേർന്ന് 90,​343 കോടിയുടെ ബിസിനസ് നടത്തിയപ്പോൾ സഹകരണ ബാങ്കുകൾ 1,​15,​021 കോടിയുടെ ബിസിനസ് നടത്തി.

സംസ്ഥാന സർക്കാരിന്റെ ബാങ്കിംഗ് ഇതര ധനകാര്യ സ്ഥാപനമായ കെ.എഫ്.സിയുടെ അറ്രലാഭം 18.4 കോടിയായി. കെ.എസ്. എഫ് ഇയുടെ പ്രതിമാസ വിറ്രുവരവ് 23,​895 കോടി രൂപയാണ്.

നികുതി വിഹിതം കുറയും

ധനകാര്യ കമ്മിഷൻ മാനദണ്ഡങ്ങൾ മാറ്രിയതിനാൽ കേരളത്തിന്റെ വിഹിതം 2.5 ശതമാനത്തിൽ നിന്ന് 1.94 ശതമാനമായി കുറഞ്ഞിരുന്നു. 2018-19ൽ കേന്ദ്ര നികുതി വിഹിതം 30,​427.13 കോടിയായിരുന്നത് 2019-20ൽ 27,​636.31 കോടിയായി കുറഞ്ഞു. 2019-20ൽ കേരളത്തിന് കേന്ദ്രസഹായം 11,​235.26 കോടിയായിരുന്നു. ജി.എസ്. ടി നഷ്ടപരിഹാരമായ 5,​575 കോടി ഉൾപ്പെടെയാണിത്.