തിരുവനന്തപുരം: ജില്ലയിൽ ഇന്നലെ 377 പേർക്ക് കൂടി കൊവിഡ് സ്ഥിരീകരിച്ചു. 361 പേർ രോഗമുക്തരായി. നിലവിൽ 3,544 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്. ഇന്നലെ രോഗം സ്ഥിരീകരിച്ചവരിൽ 278 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ അഞ്ചുപേർ ആരോഗ്യപ്രവർത്തകയാണ്. രോഗലക്ഷണങ്ങളെത്തുടർന്ന് ജില്ലയിൽ 1,356 പേരെക്കൂടി നിരീക്ഷണത്തിലാക്കി. ആകെ 20,502 പേർ വീടുകളിലും 76 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,138 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.